Кариев һәм Буа театрлары Екатеринбургта татарча спектакльләр күрсәтәчәк
27 сентябрьдә Екатеринбургның Коляда-театрында «Свой-2023» фестивале кысаларында Буаның дәүләт драма театрының «Дәрвиш» спектакле була. Бу хакта Татарстанның Свердловск өлкәсендәге Даими вәкиллеге матбугат хезмәте хәбәр итә.
Спектакль татар мәдәниятенең күренекле эшлеклесе, милли каһарманы һәм дин белгече Нургали Хәсәнов турында. Күренекле имам XIX-XX гасырлар азагында Буада яшәгән һәм эшләгән. Аның казанышлары Россия һәм Госманлы империяләре тарафыннан танылган.
29 сентябрьдә Екатеринбург шәһәренең Камера театрында «Свой-2023» фестивале кысаларында Кариев исемендәге Казан татар дәүләт яшь тамашачы театрының «Рөстәм маҗаралары» спектакле тәкъдим ителә.
«Рөстәм маҗаралары» - ул гафу итү һәм үткәннәр белән хушлашу тарихы. Спектакль күзгә күренмәс җаннар турында, диелә хәбәрдә.