УЕФA футбол бўйича жаҳон чемпионатида иштирок этмаслик тўғрисида қарор қабул қилиши мумкин
Европа футбол ассоциациялари иттифоқи (УЕФA) футбол бўйича жаҳон чемпионати ҳар икки йилда бир марта ўтказиладиган бўлса, унда иштирок этмаслик тўғрисида қарор қабул қилиши мумкин.
Олдинроқ, Халқаро футбол федерацияси (ФИФA) президенти Жанни Инфантино ташкилот Жаҳон чемпионатини ҳар икки йилда бир марта ўтказишни ният қилганини айтганди.
Президентнинг таъкидлашича, бундай қарор клублар ва терма жамоаларнинг турнир тақвимини аниқ белгилаш имконини беради.
Ташаббусни «Aрсенал»нинг собиқ бош мураббийи, ҳозир ФИФAнинг глобал футболни ривожлантириш бўлими раҳбари Aрсен Венгер халқаро тақвимни таҳлил қилгандан сўнг кўтарган.
darakchi.uz