Макрон на видео конференција со Путин

Францускиот претседател Емануел Макрон ќе одржи видео конференција со неговиот руски колега Владимир Путин на која ќе стане збор за пандемијата на кроонавирусот и безбедносни прашања, вклучително и ситуацијата во Украина. Според најавите, ќе се разговара и за ситуацијата во Сирија, Иран и Либан, како и соработката во здравството и животната средина.


Макрон верува дека има потреба од „справување со тешките прашања“ со Русија, соопшти Елисејската палата, додавајќи дека тоа вклучува „понатамошен напредок во агендата за кризи, особено за Украина“. Макрон ја повика Европа да го преиспита стратешкото партнерство со Русија, велејќи дека политиката на пркос кон Москва во последните години не успева.