Россия иқлимни мониторинг қилувчи сунъий йўлдошни коинотга учирди (видео) — Бизга қўшилинг: ???? https://t.me/joinchat/AAAAADwt0NGCRoONT4f1_Q
Фото: «Роскосмос» 28 февраль куни эрталаб Бойқўнғир космодромидан «Союз-2.1б» ташувчи ракетаси Арктика минтақасида иқлим ва атроф-муҳитни мониторинг қилиш учун мўлжалланган «Арктика-М» космик қурилмаси билан бирга учирилди, деб ёзади «РБК» «Роскосмос» матбуот хизматига таяниб. «2021 йил 28 февраль куни Москва вақти билан соат 09:55:01 (Тошкент вақти билан соат 11:55)да Бойқўнғир космодромининг 6-майдончаси 6-старт қурилмасидан ‘Союз-2.1б’ элтувчи ракетаси ‘Фрегат’ тезлаштирувчи блоки ва биринчи ‘Арктика-М’ космик қурилмаси билан бирга учирилди», — дейилади хабарда. Элтувчи ракета поғоналари ва тезлаштирувчи блокнинг ажралиши муваффақиятли кечган. Шундан кейин «Фрегат» тезлаштирувчи блоки қурилмани орбитага олиб чиқишда давом этган. У Тошкент вақти билан, тахминан, соат 14:14 да ажралиб чиқди. Шундан кейин бошқарув буюртмачига топширилди. #Видео Первый российский аппарат #АрктикаМ для мониторинга климата и окружающей среды в арктическом регионе запущен ракетой-носителем «Союз-2.1б» с космодрома #Байконур. Разгонный блок «Фрегат» продолжил выведение аппарата на заданную орбиту ???? pic.twitter.com/8xMI3IH56y — РОСКОСМОС (@roscosmos) February 28, 2021 «Арктика-М» гидрометеорологик ва иқлим мониторинги космик тизимидир. У Ер юзаси ва Шимолий Муз океани денгизларини кеча-кундуз ҳар қандай об-ҳавода мониторинг қилувчи камида иккита сунъий йўлдошни ўз ичига олади. Дастлаб «Арктика-М» 2020 йил 24 декабрда учирилиши керак эди. Аммо октябрда «Роскосмос» мутахассислари бир қатор қўшимча текширувлар ўтказиш кераклигини аниқлади. Шу сабабли тизимни орбитага чиқариш 2021 йилга қолдирилган эди. Февраль бошида Россияда «Союз-2.1б» ташувчи ракета коинотга учирилган, у ҳарбий сунъий йўлдошни орбитага муваффақиятли олиб чиққан эди.
