Новости за 16.04.2024

Адыгея республикасында Росгвардиянең ФГУП «Охрана» хезмәткәре «Россия Почтасы» программистын атып үтергән һәм мәетен тураклаган. Бу хакта «База» телеграм-каналы яза.

Сочиның Лазарев суды блогер Максим Лютыйны, яшь баласының ябыгудан үлүе аркасында, 8 елга кырыс режимлы колониягә җибәрде. Бу хакта Краснодар крае судларының бердәм матбугат хезмәтенә сылтама белән РБК сайты яза.

Бу көннәрдә җырчы Руслан Кираметдинов «Чаллы ТВ» телеканалында чыгучы «Ачыктан-ачык сөйләшү» тапшыруына кунак итеп чакырылган иде.

Ингушетиядә 14 яшьлек үсмерне атып үтергәннәр. Аның абыйсы авылдашы белән талашкан булган. Бу турыда РЕН ТВ хәбәр итте.

«ТНВ»ның «Ютуб» каналындагы «Ә син?» тапшыруына кунак булып килгәч, Винарис Ильегеткә соңгы вакытта җырчы Гүзәл Уразова белән аралары якын булмау һәм моңа Илдар Хәкимов сәбәпче булуын сөйләргә туры килгән.

1 литр каен суы – 100 сум. Каен суын җыеп сатучылар да бар. Кемнәрдер язгы, шифалы эчемлекне төрле ысуллар белән җәйгә кадәр саклый, ә кемнәрдер хәзер үк файдасын күреп калырга ашыга. Агачларга зыян китермичә генә эш итеп, язын файдалы матдәләр туплап калу ысуллары турында әңгәмәдәшләребез «Интертат»ка сөйләде.

Башкортстанның Әбҗәлил районы Хәлил авылында яшәүче Нуриян Абдразаков вафат булган. Бабай карчыгы Ишбикә белән төшкән фотосы аркасында 10 еллап элек интернетта бик популярга әйләнгән иде. Бу хакта "Әбҗәлил" сайты яза.

«Айфара» төркеме артистлары Рәшит Максутов, Фәнис Мортазин, Алмаз Мөхәммәтҗанов, Алмаз Шәрифуллинга һәрберсенә Татарстанның атказанган артисты исеме бирелгән. Шундый указны Татарстан Рәисе Рөстәм Миңнеханов имзалаган. «Шәһри Чаллы» газетасы хәбәрчесе бу турыда Алмаз Шәрифуллиннан белешкән:

17 апрельдә Татарстанда аязучан-болытлы һава торышы була. Төнлә явым-төшемнәрсез, кайбер районнарда томан төшәчәк. Көндез урыны белнә кыска вакытлы яңгыр явачак. Көньяктан, көньяк-көнбатыштан уртача тизлектә, көндез урыны белән 15-18 метр тизлектә көчле җил. Төнлә һава температурасы +1..+6˚, көндез +15..+20˚ градус.

«Татарча хәдисләр» телеграм-каналында гөнаһлы эшләр кушканда нишләргә икәнен аңлаталар. Әлеге канал «Хәдисләрнең чыганаклары күрсәтелгән хәлдә татарчага тәрҗемәләре, ТР Мөселманнарының Диния нәзарәте» дип билгеләнгән.

Алия Карачурина бәби алып кайтканнан соң беренче тапкыр үзенең подписчиклары белән элемтәгә чыкты. Ул язылучыларын кызыксындырган күп кенә сорауларга җавап биргән.

Җиңел атлетика буенча Россиянең спорт остасы, Россия чемпионы, Универсиада катнашучысы, җиңел атлетика буенча Татарстан рекордсмены Марат Аблязов сөйгәненә Бауман урамында тәкъдим ясаган. Ул әлеге яңалык белән үзенең социаль челтәрендә дә уртаклашкан. «Кыз кешегә аз кирәк – бриллиант белән йөзек булса җитә», – дип язган спортчы сөйгәне белән төшкән фото астында.

Апрель – Тукай айлыгы. Әлеге язма татар халкының бөек шагыйре Габдулла Тукайның Казанда яшәгән һәм булган биналары, урыннары турында. Шагыйребез кайда яшәргә, кайсы бакчаларда һава сулап йөрергә яраткан? Болар турында «Интертат»ка Татарстан Милли музее филиалы – Габдулла Тукай әдәби музее мөдире Гүзәл Төхвәтова сөйләде.

Казахстан белән чиктә урнашкан хосусый сусаклагыч су җибәргән, Орскига яңадан су килергә мөмкин, дип хәбәр итте Орск мэриясе Telegram-каналында.

Башкортстанда «ЛизаАлерт» волонтерлары 40 яшьлек Реана Аеткулованы эзләү турында хәбәр итте. Ул Кырмыскалы районының Сарт-Чишмә авылында яши. 13 апрельдә өйдән чыгып киткән һәм шуннан бирле хәбәре юк. Бу турыда «Башинформ» хәбәр итте.

Каен суы җыю сезоны җитте. Кемдер яңа эчемлектән авыз итә, катырып куючылар да бар. Аш-су блогеры Илүзә Хөснетдинова социаль челтәрдәге сәхифәсендә каен суы кышка әзерләү рецептын тәкъдим иткән.

Татар эстрадасының тагын бер буйдагы Илдус Садыйков «камыт кияргә» җыена, ахры. Җырчы социаль челтәрләргә зу-у-ур кызыл розалар бәйләме тоткан фотосын куйган һәм фанаткаларын «утка салып»: «Ул миңа «әйе» дип әйтерме икән?» – дип язган.

Җырчы Лилия Хәйруллина бу көннәрдә Аргентинадан Казанга кайтты һәм подписчикларына үзенең озак вакытка югалып торуының сәбәбен әйтергә вәгъдә биргән иде.

Яшь җырчы Динар Рахматуллинның арабыздан киткәненә 1 ел узган. Җырчының социаль челтәрдәге сәхифәсендә аны якыннары искә ала. Алар әле дә Динарның иҗатын тыңлаулары өчен, мәрхүмнең сәхифәсендә утыручы язылучыларына рәхмәт белдерәләр.

Озак еллар эшләп, ниһаять, Гөлчәчәк пенсия яшенә җитте. Беренче пенсиясен кулына алу белән үк кәефе кителде. Шулай булмыйча, гомере буе эшлә дә, чеметеп кенә акча бирсеннәр әле.

Башкортстанның Кырмыскалы районында яшәүче хатын иренең башына пычак кадаган. Бу турыда «Башинформ» хәбәр итте.

Татар эстрадасында популяр автор-башкаручы Ильмира Нәгыймова «Татарстан – Яңа гасыр» телеканалында «Сөйләшергә вакыт» тапшыруында кунак булды.

Татарстанда парларның 17 проценты бала таба алмый, шул ук вакытта һәр икенче аборт медицина күрсәтмәләре буенча үткәрелми. Йөклелеккә кайчан һәм ничек әзерләнә башларга кирәк? Бу хакта «Татар-информ»да узган матбугат конференциясендә репродуктолог һәм акушер-гинеколог сөйләде.