د غورځنګ مشر منظور پښتین مشال راډیو ته وویل، د فبرورۍ پر ۱۹مه په سهراب ګوټ کې د جلسې جوړولو موخه د غورځنګ د یوه مخکښ غړي محمد ابراهیم ارمان لوڼي د څلورم تلین لمانځل او داراز، د نقیب مسید په وژنه کې د ککړو کسانو د سزا ورکولو ترڅنګ، پښتنو ته پر ورپېښه مسلو غږ اوچتول ول.
د کمېشن سېکرټر ولسمشر عارف علوي ته فبرورۍ پر ۱۹مه لیک استولی دی او ویلي یې دي چې د دواړو صوبو د اسمبلیو تر ړنګېدو وروسته یې له ګورنرانو سره رابطې کړې دي خو تر اوسه یې د انتخاباتو نېټو په اړه ځواب نه دی ترلاسه کړی.
افراسیاب خټک وویل چې دوی د دې رپورټ لپاره په تېرو شاوخوا پینځو میاشتو کې د بلوڅ زده کوونکو تر څنګ د ورکو بلوڅانو د موندلو لپاره د مبارزه کوونکي سازمان (وایس فار بلوڅ مېسېنګ پرسنز) له مشرانو سره هم تفصیلي خبرې کړې دي.
په پېښور کې د هنرمندانو یوشمېر لوبډلو ترمینځ د فوټسال یو ورځنۍ سیالۍ شوې دي. منتظمین وايي، د فبرورۍ ۱۸مې سیالیو موخه د پېښور ښار د ژوند او فرهنګ په اړه پوهاوی خپرول او لوبغالي ابادول وي. شاعر افسر افغان مشال راډیو ته وویل، سیالیو ته یې د "پېښور به ابادوو" سرلیک ورکړی وو او زیاتوي چې پېښور په "مینه او اخلاص" ابادېږې. ویډیويي رپورټ.