د افغانستان په خوست ولایت کې د ډېسېمبر پر پينځمه د یو خیریه بنسټ په مالي مرسته د ۳۰ جوړو ډله ییز واده وشو. خوستي فرهنګیان دا یو ښه کار بولي او غوښتنه کوي چې د ودونو دا نوی کلتور دې لا پراخ شي. خوست د افغانستان يو له هغو ولایتونو دی چې په خلکو کې يې لوړ ولور دود دی او له همدې کبله ډیری کوژدن ځوانان د اقتصادي ستونزو له کبله ډېر کلونه بې واده پاتې کېږي. نور حال په ويډيويي راپور کې.
دا اوونۍ مو په "مشال مرکه" کې خبريال او ليکوال شمس مومند مېلمه کړی دی. نوموړي په ۹۰مه لسيزه کې صحافت پيل کړی وو. شمس مومند د اووه کتابونو ليکوال دی. د نوموړي وروستی کتاب د خيبر پښتونخوا د قدرتي وسايلو په اړه دی. مومند وايي، د پښتنو سيمه له قدرتې زېرمو ډکه ده خو له دې څخه ګټه نه پورته کېږي. دی وايي، په اردو ژبه د کتاب ليکلو مقصد د سيمې په اړه هغو خلکو ته رسېدل وو چې په دې خبره پوه شي او د دې لپاره غږ پورته کړي. بشپړه مرکه لاندې واورئ.
په تورخم کې یو انتظامي چارواکي، چې نه یې غوښتل نوم یې خپور شي، د ډېسېمبر پر شپږمه مشال راډيو ته وويل چې دا لاره د دواړوو خواوو ترمينځ تر مذاکراتو وروسته خلاصه شوې ده.
په پېښور کې میشت یوشمېر افغان کډوالو مشال راډیو ته وویل چې وروستیو حالات د بې یقینۍ سره مخ کړي دي او په ژوند او کاروبارونو یې بد اغیز پرېوتی دی.
د دې اوونۍ "د مشال تر رڼا لاندې" کې په ګلګت بلتستان کې د وسلوالو بريدونو لاملونه بحث شوي دي.
د نوبل نړیوالې جایزې ګټونکې ملالې یوسفزۍ تور پورې کړی چې پر افغانستان واکمنو طالبانو "نجلۍ توب ناقانونه کرځولی" دی. په جنوبي افریقا کې يوې غونډې ته د وينا پر مهال هغې پر نړیوالو غږ کړی چې د افغان ښځو کړاوونو ته دې پام وکړي. نور تفصيل د فرانس پرېس اژانس په ويډيويي رپورټ کې.
پښتون ژغورنې غورځنګ (پي ټي اېم) د خپل مشر منظور پشتین د نیولو پر ضد د ډېسېمبر پرپينځمه د پېښور، کوټې او اسلام اباد په ګډون د پاکستان په يوشمېر ښارونو کې احتجاجونه وکړل او له حکومته یې وغوښتل چې منظور پشتین دې ژر تر ژره خوشې کړي. په کراچۍ کې پولیسو د پي ټي اېم کارکوونکو ته د احتجاج اجازه ور نه کړه او تر ۲۰ زيات کسان، چې د احتجاج لپاره ورغلي ول، نیولي دي. تفصیل په دې ویډیو کې
د لېټۍ په څېر طحیني (طحینه) د منځني ختیځ مشهور، دودیز او غذاییت لرونکي خواړه دي چې له کونځلو جوړېږي. طحیني تر ډوډۍ وړاندې او وروسته خوړل کېږي. د کونځلو لېټۍ د نورو خوړو په جوړولو کې هم کارېږي. د اسوشیېټېډ پرېس اژانس له ویډیو جوړ رپورټ.