Новости за 17.03.2021

Президент Путин Владимир кийрахь дог доцу «киллер» ву, «цо боггIу мах охьабуьллур бу» стохка Лахьан-баттахь хиллачу президентан харжамашна юкъагIортарна, аьлла Американ Цхьаьнатоьхначу Штатийн президента Джо Байдена ABC News телеканалехула шинарин буса араяьллачу интервьюхь. Журналиста Стефанопулас Джорджа шега, муха хир бу и бекхам, хаьттича, жоп делла президента: «Кестта гур ду шуна». Интервью араяьлла, Цхьаьнатоьхначу Штатийн президентан стохкалерчу харжамашна Оьрсийчоь юкъагIортарх долу тептар... Читать дальше...

Путине Соьлжа-ГIалара дехар хьажийна махкахь нах хIаллакбарх долу тоьшаллаш даржорца доьзна; Европан Барто санкцеш тухур ю Висмурадов Абу-Зайдна а, Катаевна Аюбна а; ФСБ-но терроран тохар дечуьра юкъахдаьккхина ша Майкопехь боху. Лаьцна Юккъерчу Азера мигрант

"Новая газето" зорбане даьхна Кадыров Ахьмадан цIарх йолчу полицин хадаран-къепелатторан полкан белхахо лаьттинчо дина тоьшаллаш. Гезмахмаев Сулимана, шен цIа а ца лечкъош, дийцина Соьлжа-ГIалахь, еш кхел а йоцуш, нах хIаллакбарх лаьцна.

Политик волчу Навальный Алексейгахьа хиллачу протесташкахь дакъалаьцна арахьарчу мехкашкара баьхкина бахархой пачхьалкхера арабохуш бу полисхоша. Оьрсийчохь баха елла бакъо юха а оьцуш, пачхьалкхе бахкар доьхку царна, церан доьзал, бераш доллушехь. Цхьацца меттигашкахь бехкзуламан гIуллакх дуьхьал доккхур ду бохуш, кхерамаш а туьйсу царна. Настоящее Время телеканало йовзуьйту Оьрсийчохь бехачу кхечу пачхьалкхийн бахрахойн масех истори. Навальныйгахьа хIоттийначу митинге бахначул тIаьхьа Iедалхой тIаьхьабевлла царна. Читать дальше...

Кхаарин дийнахь, Зазадоккху-беттан 17-чохь, Европан Барто сакцийн тептара язбан къастийна Нохчийчохь адамашна репрессеш ярна республикан куьйгаллерчу ши стаг. Европехь ахча лелор а, виза эцар а доьхкуш, ЕвроБарто адамийн бакъонаш ларъярца доьзна 2020-чу шеран ГIура-баттахь тIеэцначу керлачу низаман буха тIехь санкцеш тухур ю Нохчийчоьнан вице-премьерна, ницкъхойн «Терек» декъан буьйранчина Висмурадов Абузайдна а, Устрада-ГIаларчу полицин буьйранчин гIовс Iийначу Катаев Аюбна а дуьхьал. Европан Бертарчу хьостанашкара яьржинчу информацица... Читать дальше...

Адыгейн коьртачу шахьарахь, алссам нах гулучохь, эккхийтар дан кечвелла Юккъерчу Азера веана стаг лаьцна ша, аьлла, дIахьедар даржийна ФСБ-но. И стаг, мигрант, толлуш карийна оьккху коьчал а, Оьрсийчоно магош йоцчу "Исламан пачхьалкх" тобан байракх а, чIагIдо урхалло. Оперативан барамаш дIахьош гучудаьлла, хьукмато бахарехь, терроран тохар кечдеш хилар. Мигрантан хIусамехь карийна, ФСБ-н пресс-векалтан хаамца, чевнаш ен элементаш чохь йохку оьккхург а, талор дан къастийна меттиг билгалйина долу Майкопан карта а (базаран цIа ду юьйцу меттиг)... Читать дальше...

Американ Цхьаьнатоьхначу Штаташа тIедогIучу кIиранах санцеш кхайкхо мега Оьрсийчоьнна дуьхьал, иза 2020-чу шеран президентан харжамашна юкъагIортина хила тарлуш долчу тоьшаллица доьзна. Оцу хьокъехь хаам баржийна CNN и Reuters агенталлаша, КIайчу цIийнерчу хьостанашна тIе а тевжаш. Иштта санкцеш кхайкхо тарло дIадахначу шеран тIаьххьарчу муьрехь Американ серверашна хакерийн гIоьнца шуьйрра тIелетарш дарна а. Царна Оьрсийчоь бехкейо Штатийн кхерамзаллин сервисаша. Билггал муха хир ю и санкцеш цкъачунна хууш дац. Читать дальше...

Адыгейн Тахтамукай кIоштан кхело сацамбина шайн кIоштарчу Псейтук юьртахь дехачу Краснодар-мехкан губернаторан гIовс Iийначу Ахеджак Муратан дена-нанна талор дина Пономарев Вячеслав а, Кононенко Иван а набахте хьажо. 2018-чу шарахь Краснодар-махкара Псейтуке а вахана, политикан гергарнаш бехачу хIусамна тIелетта и ши стаг. Церан бехканна елла Ахеджакан нана Луиза. Чевнаш йина Ахеджак Муратан йоьIана а, дена а, йишина а.  Меттигерчу прессо яздарехь, Iазап латтийна зуламхоша доьзална тIехь. Кхело 9,5 шо хан тоьхна набахтехь такха Понамаревна... Читать дальше...