Новости за 12.05.2021

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 14918-ҩык ыҟоуп, ргәы бзиахеит 13868-ҩык, рыԥсҭазаара иалҵит 224-ҩык.

Аргыларатә фирма "Тҟәарчаларгылара" аиҳабы Рауль Шамугьиа арадио Sputnik арубрика "Раионк аԥсҭазаараҟынтә" аҳәаақәа ирҭагӡаны еиҭеиҳәеит араионтә хәышәтәырҭаҟны аргыларатә усқәа ахьынӡанагоу, ахархәарахь рыҭаразы аргылаҩцәа ҽҳәарас ирымоу атәы.

Ахра Аҩӡбеи дзыхьчоз ԥшьҩыки ахара рыдҵоуп абџьари аџьаԥҳани закәаншьаҭа рымамкәа раахәара, рыҵәахра, рымҩангара, рныҟәгара ахьымҩаԥигоз азы.

Казань ақалақьтә гимназиа №175 аҿы иҟалаз ахысрақәа ирыхҟьаны жәҩык ҭахеит, урҭ рҟынтәи быжьҩык хәыҷқәоуп.

Лаҵарамза 12 рзы 104 шықәса ҵит диижьҭеи Аԥсны Жәлар рпоет Баграт Шьынқәба. Аҟаза ирҿиара иԥсҭазаараҿы ҭыԥс иааннакылои, раԥхьатәи реибадырреи ртәы арадио Sputnik аефир аҟны игәалаиршәеит апоет, ажурнал "Алашара" аредактор хада Анатоли Лагәлаа.

Лаҵара 11 рзы 15 шықәса зхыҵуа аҷкәын Агәыӡераҟа ауаажәларратә транспорт ала днеиит, аха аҩнынӡа дымнаӡеит. Аҭаацәа амилициа рахь адырра ҟарҵеит.

Д.И. Гәлиа ихьӡ зху аҳәынҭқарратә премиа занашьоу Аԥсны Жәлар рпоет, Ҟабарда-Балкариеи Адыгатәылеи Жәлар рышәҟәыҩҩы, “Ахьӡ-Аԥша” аорден I аҩаӡара акавалер Баграт Уасил-иԥа Шьынқәба диижьҭеи 104 шықәса аҵра аҽны иԥсҭазаара аимгеимцарақәак шәгәалашәыршәарц ишәыдаагалоит.

Ииасыз амчыбжь азы Агәабзиарахьчара аминистрра еиҿнакааит амедусзуҩцәа рзы атренингқәа акоронавирус аҟынтә алаҵа аҟаҵаразы.

Иахьа, лаҵара 12 рзы Аԥсны жәлар рпоет Баграт Шьынқәба диижьҭеи 104 шықәса ҵит. Ашәҟәыҩҩы аԥсуа литератураҿ адагьы, Кавказ жәлар рлитератураҿы, иара иааидкыланы адунеитә литератураҿы хәы змаӡам алагала ҟаиҵеит.

Гәылрыԥшьтәи араионтә ӡбарҭаҿы лаҵара 12 рзы иаатит Аԥсны ахада уаанӡатәи ицхырааҩ, ДЖәР афырхаҵа Ахра Аҩӡбеи дзыхьчоз ԥшьҩыки рганахь ала аӡбаҩцәа реилатәара.

Аԥсаатәи аԥстәқәеи ирызку аԥсуа жәлар разгәаҭақәа ртәы арадио Sputnik аефир аҟны дазааҭгылеит Аԥсуаҭҵааратә институт афольклортә лабораториа аусзуҩ Сусанна Ҭаниаԥҳа.

Гәылрыԥшьтәи араионтә ӡбарҭаҿы лаҵара 12 рзы иаатит Ахра Аҩӡбеи дзыхьчоз ԥшьҩыки рганахь ала аӡбаҩцәа реилатәара.

Аҽазыҟаҵарақәа мҩаԥысуан аполигон Нагвалоу аҿы Аԥсны иҟоу Аладатәи арратә округ 200-ҩык аруаа алархәны.

Аиҳараҩык атуристцәа - 37 нызқьҩык рҭааит арҭ аныҳәамшқәа рзы Риҵатәи амилаҭтә парки Афон ҿыцтәи аҳаԥи.

Ахра Аҩӡба даанкылан уаанӡа еиқәшаҳаҭханы абџьари аџьаԥҳани закәаншьаҭа рымамкәа раахәара, рыҵәахра, рымҩангара, рныҟәгара ахьымҩаԥигоз азы ҳәа ахара ихараҵаны.

Агәабзиарахьчара аминистр ихаҭыԥуаҩ Вахтанг Ҩардан арадио Sputnik аефир аҟны иҳәеит акоронавирус аҟынтәи алаҵа аҟаҵара ианалаго, иахьыҟарҵо, уи раԥхьа иргыланы иззыҟаҵахо.

Ахԥатәи жәларбжьаратәи аусутә форум "VISIT APSNY" аҳәаақәа ирҭагӡаны имҩаԥган "Агастротуризми агьамабара зцу атуризми" атемала астол гьежь.

Ахԥатәи жәларбжьаратәи аусутә форум "VISIT APSNY" Гагра имҩаԥыргеит лаҵара 11 рзы.

III жәларбжьаратәи аусутә форум "VISIT APSNY" иалахәын асасдкылара Аԥсны атуристцәа раԥхьалара алзыршо факторк аҳасабала иалацәажәо, аперсонал ралԥшаара, агастрономиатә туризм уҳәа рызҵаарақәа шьҭызхуа Аԥсни Урыстәылеи рекспертцәа.

Аԥсны аҳҭнықалақь аҿы акоммуникациақәа рымҩангара инадҳәаланы атранспорт ныҟәара ԥкхоит ақалақь амҩақәак рҿы.