Аҟәа араион аҟны иҟоу "Аԥсуа хысратә клуб" ашәарҭадаратә маҵзура аиҳабы Алиас Аҩӡба арадио Sputnik арубрика "Раионк аԥсҭазаараҟынтә" аҳәаақәа ирҭагӡаны еиҭеиҳәеит лаҵарамзазы аныҳәатә ԥсшьарамшқәа рзы азҿлымҳара ахьынӡамаз атәы.
Ҭырқәтәыла, Енигьоль ақалақь аҟны инхо, 72 шықәса зхыҵуа ҳџьынџьуаҩ Ерсын Зуҳәҭу-иԥа Самеихәа (Асамаа) иабду иаб Османи, уи иашьцәа Гәыдреи Мусҭафеи, Осман иԥа Ҭалиби амҳаџьырраан Ҵабалынтәи Румелиаҟа иахнагеит. Урҭ ирлахьынҵахаз Ерсын Самеихәа иажәабжь аҿы.
"Амузеи аҵх" захьӡу амузеиқәа жәларбжьаратәи рымш азы имҩаԥырго акциа аан, аҭааҩцәа идырбахо жәлар рмузыкатә рҳәагақәа ртәы арадио Sputnik аефир аҿы еиҭалҳәеит Аԥсуа ҳәынҭқарратә музеи аетнологиа аҟәша аҭҵаарадырратә усзуҩ еиҳабы Инга Шамԥҳа.
Тҟәарчал ақалақь аԥхын мацарагьы акәымкәа аӡынгьы аԥсшьаҩцәа аҭаартә аҟаҵара алшоит ҳәа агәаанагара лымоуп Sputnik аколумнист Есма Ҭодуаԥҳа.
Ашьапылампыл азы Аԥсны XXVIII ачемпионат иалахәуп аа-командак атәыла араионқәа зегь рҟынтәи. Ачемпионат мҩаԥысуеит мшаԥымза инаркны абҵарамзанӡа.
Лаҵара 16, 1985 шықәсазы арыжәтә џьбара иаҿагыло акомпаниа рылаҳәан Асовет Еидгылаҿы. Аҳәынҭқарра аиҳабыра русԥҟа Аԥсны ишынарыгӡоз атәы арадио Sputnik аефир аҟны игәаларишәеит аилахәыра "Аԥсны аҩқәеи аӡқәеи" аҩыҟаҵаҩ хада Валери Аҩӡба.
Аԥснытәи аиқәырхаҩцәа быжьҩык ашьхарақәа рҿы иӡыз атурист Владимир Улианов иԥшаара ишаҿыц иаҿуп.
Гагратәи аконсултә пункт, ишаԥу еиԥш, акурорттә сезон азы аусура иалагоит, уи аӡынреи ааԥынреи аус ауӡом.
Зықьҩык аспортсменцәа злахәу таитәи абокс азы Урыстәыла аԥхьахәгара мҩаԥысуеит Москватәи аобласт аҿы лаҵара 11-18 рзы.