Новости за 13.05.2021

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 14946-ҩык ыҟоуп, ргәы бзиахеит 13879-ҩык, рыԥсҭазаара иалҵит 224-ҩык.

Урыстәылатәи алаҵа "Спутник V" актәи апартиа 6500 доза Аԥсныҟа иааит мшаԥымза 30 рзы. Анаҩстәи апартиа аашьҭра алаҵаҟаҵара актәи ахәҭа шымҩаԥысуа иаҿырԥшхоит.

Гагра араион Лӡаа ақыҭан иҟоу асасааирҭа "Аԥсара" аиҳабы Лев Чукбар арадио Sputnik аефир аҿы еиҭеиҳәеит аусуҩцәа рыла иахьынӡеиқәшәо атәы.

Акадыртә резерв аиҿкаараз аусурақәа ркоординациа инапы ианҵоуп ахада Иусбарҭа анапхгаҩ ихаҭыԥуаҩ Зураб Қаџьаиа.

2019-2020 шықәсқәа рзи 2021 шықәса аԥхьатәи аԥшьымз рзи амҩақәа рҟны ашәарҭадара аиҿкааразы азинхьчаратә усбарҭақәа русура алҵшәақәа ирызкыз Акоординациатә еилатәара мҩаԥысит лаҵара 13 рзы Аҟәа.

Аԥсны асасааирҭақәа рхеилак аиҳабы Асҭамыр Ахба арадио Sputnik аефир аҿы ахԥатәи жәларбжьаратәи аусутә форум "VISIT APSNY" амҩасшьа ахәшьара аиҭеит.

Актәи атуристтә форум "Аԥсны-Аԥсынтәыла" Аҟәа иаатит лаҵара 13 рзы, уи иалахәуп Аԥсни Урыстәылеи рҟынтәи атуризм аусхк знапы алаку аекспертцәа.

Ҳаамҭазтәи аԥсуа ҳәынҭқарра ашьаҭаркҩы, Аԥсны Раԥхьатәи ахада Владислав Арӡынба игәалашәара аҳаҭыр азы Гәдоуҭа аҽыуаа рпарад шымҩаԥысуа, иалахәхо ртәы еиҭалҳәеит С.П. Дбар ихьӡ зху Аԥсны Аџьынџьтәалатә еибашьра Аҳәынҭқарратә музеи афондқәа реиҳабы Гәыгәыца Џьыкырԥҳа.

Ахәыҷбаҳча аргылара нап аркын 2017 шықәсазы.  Иазыԥхьагәаҭан 2019 шықәсазы ахархәарахь инашьҭхоит ҳәа.

Гәымсҭа ашьхараҟынтә илбааз атуристцәа АҟәаГЕС ахь илбааит, уа ирԥылеит аԥснытәи аиқәырхаҩцәа.

2021 шықәсазы ачгара аҵыҵра аныҳәа Ид аль-Фитр - Ураза-баирам лаҵара 13 иақәшәеит.

Лаҵара 12 асааҭ 11:20 рзы Аԥсны АҶА ахь адырра ҟаҵан атуристцәа ргәыԥ рхала ашьхараҟынтә илбаарц ишаҿу, аха руаӡәк ацхыраара иҭахны дшыҟоу.

Атәыла ахада ҭабуп ҳәа реиҳәеит афорум аиҿкааҩцәеи алахәылацәеи, иазгәеиҭеит ареспублика аекономикатә ҿиаразы атуризм аԥыжәара змоу хырхарҭаны ишыҟоу.

Атуристтә форум апрограмма хада мҩаԥысуеит лаҵара 13, 14 рзы Аҟәа. Афорум аҿы излацәажәараны иҟоу атемақәа иреиуоуп: "Аԥсны Аҳәынҭқарраҿ аԥхынтә туристтә сезон аконцепциа– ахаҭабзиара, ашәарҭадара, атехнологиа ҿыцқәа, аалыҵ ҿыцқәа".

Аԥсны раԥхьатәи ахада, амилаҭтә ԥхьагыла Владислав Арӡынба лаҵара 14 рзы 76 шықәса ихыҵуазаарын.

Аԥсылманцәа рзы иԥшьоу амза Рамадан хыркәшоуп, аурычра иҵыҵны иазгәарҭоит аныҳәа Ураза-баирам. Аԥсны аԥсылманцәа рдоуҳатә усбарҭа ахада ихаҭыԥуаҩ Абдураҳман Џьугьелиа арадио Sputnik аефир аҿы еиҭеиҳәеит аныҳәа ишаԥыло.

Лаҵара 12 асааҭ 11:20 рзы Аԥсны АҶА ахь адырра ҟаҵан атуристцәа ргәыԥ рхала ашьхараҟынтә илбаарц ишаҿу, аха руаӡәк ацхыраара иҭахны дшыҟоу.

Аԥыза-министр ихаҭыԥуаҩ, аекономика аминистр Кристина Озган лаҵара 12 рзы Очамчыра араион ахадараҿы инарҭбаау аилатәара мҩаԥылгеит.