Новости за 12.07.2021

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 19032-ҩык ыҟоуп, ргәы бзиахеит 15817-ҩык, рыԥсҭазаара иалҵит 267-ҩык.

Гал араион ахада ихаҭыԥуаҩ Беслан Емырхәба арадио Sputnik аефир аҟны еиҭеиҳәеит ақалақь аҟны арахә рныҟәара аанкыларазы ирыӡбаз, уи аԥсҭазаара ишаладырҵәо атәы.

Азакәан апроект иаланагалоит абарҭ рҩызцәа аилкаарақәа: "адемографиатә политика", "адемографиатә шәарҭадара", "адемографиатә шәарҭарақәа", иадырбоит ари аполитика анагӡара знапы иануи уи финансла аиқәыршәара ахыҵхырҭақәеи.

Аусутә гәыԥ иалоуп Жәлар Реизара адепутатцәа, азиндырҩцәа, ауааԥсыра COVID-19 рацәыхьчаразы аоперативтә штаб алахәылацәа.

ААУ аҿы абитуриентцәа рышәҟәқәа рыдкылара хацыркуп. Ҿҳәарас иамоузеи ари аус, иарбан занааҭқәоу сынтәа аҵара иҭало ирыдгалоу, иҟоума алагала ҿыцқәа, абри атәы арадио Sputnik аефир аҿы еиҭеиҳәеит ААУ апресс-маҵзура аиҳабы Џьамбул Инџьгьиа.

Жәашықәса зхыҵуа Николь Аргәынԥҳа москватәи аклиникаҿы ахәшәтәра акурс дахысразы илҭахуп 345 нызқь мааҭ.

Аладатәи арратә округ артиллеристцәа рҽазыҟаҵарақәа ирылахәын 1,5 нызқьҩык рҟынӡа аруаа, 300 ак рҟынӡа арратә техника.

Жәлар Реизара адепутатцәа русутә гәыԥ жәымз ҳәа еиҿкаауп, уи иалахәуп хҩык адепутатцәа, аԥыза-министр, аекономикеи афинансқәеи рминистрцәа, Аԥсны амилаҭтә банк аиҳабы.

Жәлар Реизара адепутатцәа реилатәараҿы ишьақәырӷәӷәан Аԥсны Апарламент Иреиҳаӡоуи, Арбитражтәи, Аҟәеи Гәылрыԥшьи рраионтә ӡбарҭақәа рыӡбаҩцәа.

Аԥсны аҳәынҭқарра Ашәарҭадаратә Маҵзура аԥҵан ԥхынҷкәын, 1992 шықәсазы.

Аҟәа инхо, аха Кәтол иадҳәалоу Нарсоу Қәаранӡиа арадио Sputnik аефир аҿы еиҭеиҳәеит аҿар ақыҭа ԥсҭазаара ралахәра азҵаара атәы шибо атәы.

Азакәан апроект амч аиуеит цәыббра 1 инаркны, асистема ахаҭа Аԥсны ишьақәдыргылароуп 2024 шықәсанӡа.

Ашахматтә турнир "Аҟәа Опен 2021" иалахәын Аԥсни Урыстәылеи рҟынтәи 50-ҩык инареиҳаны ашахматасыҩцәа, уи мҩаԥысуан Аҟәа ԥхынгәы 1 инаркны 12 рҟынӡа.

Аҽазыҟаҵарақәа рыплан инақәыршәаны, "адиверсантцәа" арратә қалақь иақәлеит ахылаԥшра-аушьҭырҭатә пункт ала.

Ашьапылампыл азы Аԥсны еизгоу акомандеи ашьапылампылтә клуб "Шәачеи" рыхәмарра мҩаԥысит амҽыша ԥхынгәы 11 рзы Аҟәа астадион "Динамо" аҿы.

Аԥкрақәа русура иахьынӡаныԥшуа атәы арадио Sputnik аефир аҟны еиҭеиҳәеит Аԥсуа ҳәынҭқарратә музеи аиҳабы Аркади Џьапуа.

Уаанӡа Аԥсны ахада Аслан  Бжьаниа инапы аҵаиҩит аковидҿагыларатә ԥкрақәа ԥхынгәы 5 инаркны ирӷәӷәазарц азы - иарку ауаажәлар ркрыфара-чаратә хыбрақәа рҿы ауаа рацәа злахәу аусмҩаԥгатәқәа реиҿкаара аанкылан.

Аинформациатә маҵзура Sputnik абжьааԥнеиԥш иазнархиеит иҳаҩсыз амчыбжь - ԥхынгәы 4 -11 рыҩнуҵҟа иҟалаз ахҭысқәа реизга.