რუსეთში გამოვლინდა კორონავირუსის პირველი შემთხვევა
რუსეთში გამოვლინდა კორონავირუსით დაავადების პირველი ორი შემთხვევა. დაავადებულები ჩინეთის მოქალაქეები არიან და რუსეთში, ამიერბაიკალის მხარესა და ტიუმენის ოლქში იმყოფებიან. ინფორმაცია რუსეთში კორონავირუსის გამოვლინების შესახებ გაავრცელა ვიცე-პრემიერმა ტატიანა გოლიკოვამ, რომელიც ხელმძღვანელობს კორონავირუსის კონტროლისა და გავრცელების წინააღმდეგ ბრძოლის ოპერატიულ შტაბს. რუსეთის მთავარი სანიტარული ექიმის, ანა პოპოვას თქმით, მიმდინარე თვის განმავლობაში ორივე დაავადებული იმყოფებოდა ჩინეთში.