ჯანდაცვის მინისტრმა ახსენა მმართველ გუნდში მისი „ვერატანა"
„რადიო იმედის" ეთერში ჯანდაცვის მინისტრმა ეკატერინე ტიკარაძემ უპასუხა შეკითხვას, გუნდში ვერ აიტანა ვინმემ თქვენი წარმატება?
„არც ჟურნალისტური გამოძიება გამიკეთებია და არც პირადი გამოძიება არ ჩამიტარებია ამასთან დაკავშირებით, გუნდში მოხდა ეს ვერატანა თუ არა, მაგრამ ფაქტი არის და რა თქმა უნდა, ეს განცდა მაქვს, რომ არამხოლოდ ამის გამო, თვითონ იმ გადადგმულ ნაბიჯებში, რომლებიც გადადგმულია, მე მქონდა იმის მოლოდინი, რომ არაერთი ადამიანის ინტერესებზე მოხდებოდა გადაკვეთა და ეს გადაკვეთა ნამდვილად მოხდა. შესაბამისად, რა თქმა უნდა, არის ამაში გარკვეული სიმართლე, რომ არის ხალხი, რომლებიც დაინტერესებულები არიან საქართველოს ჰყავდეს ცუდი ჯანდაცვის მინისტრი, რომელიც თავისი კომპეტენციებით თავს ვერ ართმევს იმ დაკისრებულ ვალდებულებას, რომელიც მას დღესდღეობით აქვს", - ამბობს ტიკარაძე.
წამყვანის შეკითხვაზე, ეს ადამიანები მაღალ თანამდებობებზე არიან? ჯანდაცვის მინისტრი პასუხობს: „შეიძლება არც იყვნენ ეს ადამიანები მაღალ თანამდებობებზე, მაგრამ მათ საკმაოდ დიდი ბიზნესინტერესები აქვთ".