იუსტიციის მინისტრობის კანდიდატი სისხლის სამართლის საერთაშორისო სასამართლოში აირჩიეს
საქართველოს იუსტიციის მინისტრობის კანდიდატი, გოჩა ლორთქიფანიძე სისხლის სამართლის საერთაშორისო სასამართლოს (ICC) მოსამართლედ აირჩიეს.
ეს პირველი შემთხვევაა, როცა საქართველოს წარდგენილი კანდიდატი ICC-ის კოლეგიის წევრად აირჩიეს. ლორთქიფანიძემ კენჭისყრის მეორე რაუნდში 76 ხმა მიიღო და 9 წლის ვადით აირჩიეს.
პრემიერ-მინისტრ გიორგი გახარიას ცნობით, გოჩა ლორთქიფანიძე რამდენიმე თვეში შეუდგება მოსამართლის მოვალეობის შესრულებას, მანამდე კი „ქართულ ოცნებაში“ გააგრძელებს საქმიანობას.
გოჩა ლორთქიფანიძე იუსტიციის მინისტრობის კანდიდატად პრემიერ-მინისტრმა პარლამენტს 18 დეკემბერს წარუდგინა. თეა წულუკიანის გადადგომის შემდეგ, გოჩა ლორთქიფანიძე მინისტრის მოვალეობის შემსრულებელი იყო.