რუსეთში ჩეჩენ ბრალდებულს 12 წელი მიუსაჯეს 1995 წელს ბუდიონოვსკში მძევლების აყვანასთან დაკავშირებით
რუსეთის სასამართლომ ჩეჩენ ასლან დაუდოვს 12 წლით პატიმრობა მიუსაჯა 1995 წელს ბუდიონოვსკში მძევლების აყვანასთან დაკავშირებით, რაც შემოტრიალების წერტილი იყო ჩეჩნეთის პირველი ომის დროს.
22 დეკემბერს სამხრეთის სამხედრო ოლქის სასამართლომ დონის როსტოვში დაუდოვი დამნაშავედ ცნო ბანდიტიზმში, გატაცებაში, ტერორიზმსა და განზრახ მკვლელობაში.
1995 წლის 14 ივნისს ჩეჩენი სეპარატისტების ჯგუფმა იერიში მიიტანა ადგილობრივ პოლიციის განყოფილებასა და სამთავრობო შენობებზე ბუდიონოვსკში და 1500-მდე ადამიანი აიყვანა მძევლად. ისინი ჩეჩნეთიდან რუსეთის ჯარების გასვლას ითხოვდნენ.
150-მდე ადამიანი დაიღუპა. გადარჩენილი მძევლები გაათავისუფლეს. პრემიერ-მინისტრმა ვიქტორ ჩერნომირდინმა ჩეჩნეთში ცეცხლის შეწყვეტის პირობა დადო. ზავმა შეამზადა 1996 წლის შეთანხმება ომის დასრულების შესახებ.
ჩეჩნეთში მეორე ომი გაჩაღდა 1999 წელს, როცა გადაწყვეტილებების მიღებისას მნიშვნელოვან როლს თამაშობდა მაშინდელი პრემიერ-მინისტრი ვლადიმირ პუტინი.