რუსეთში ცოლ-ქმარს ხანგრძლივი პატიმრობა მიუსაჯეს სახელმწიფო ღალატისათვის
კალინინგრადის სასამართლომ სახელმწიფო ღალატში დამნაშავედ სცნო და ხანგრძლივი პატიმრობდა მიუსაჯა ფონდ გორჩაკოვის ექსპერტ ანტონინა ზიმინასა და მის ქმარს, კონსტანტი ანტონეცს.
ცოლ-ქმარის წინააღმდეგ სისხლის სამართლის საქმე აღიძრა მას შემდეგ, რაც ზიმინასა და ანტონეცის ქორწილის ვიდეოჩანწერში აღმოჩნდა ერთ-ერთი სტუმარი, ეფესბეს თანამშრომელი. დაცვა ამტკიცებს, რომ იგი მთვრალი იყო და თავად ყვებოდა სპეცსამსახურში მუშაობის შესახებ. გამოძიება კი ამტკიცებს, რომ ცოლ-ქმარმა ლატვიის დაზვერვას საიდუმლო ცნობები გადასცა.
კულტურათა დიალოგის ბალტიის ცენტრის დირექტორი, ანტონინა ზიმინა, და მის ქმარი 2018 წლის ივლისში დააკავეს.
ბრალდების არსი გამოძიებას არ გაუსაჯაროებია, გასაიდუმლოებული იყო გამოძიების მასალები.
„კომერსანტის“ თანახმად, ცოლ-ქმარს ბრალს სდებდნენ იმაში, რომ მათი ქორწილში გადაღებულ ვიდეო და ფოტო მასალით ლატვიის სპეცსამსახურებმა ამოიცნეს ეფესბეს თანამშრომელი.
ამჟამად, როგორც გაზეთმა დაადგინა, ცოლ-ქმარი ეჭვმიტანილია დაზერვისათვის საიდუმლო გრიფიანი იმ დოკუმენტების გადაცემაში, რომლებიც ანტონეცმა რეგიონული ეკონომიკის სამინისტროში მუშაობის დროს მოიპოვა.
ანტონეცს მიესაჯა 12,5 წლით პატიმრობა მკაცრი რეჟიმის კოლონიაში, ზიმინას - 13 წელი საერთო რეჟიმი სკოლონიაში.
განაჩენი ძალაში არ შესულა და მსჯავრდებულები, ზიმინას თქმით, მას გაასაჩივრებენ.