Мы в Telegram
Добавить новость
ru24.net
World News in Georgian
Декабрь
2020

აშშ-ის ბიუჯეტიდან საქართველო მიიღებს 132 025 000 აშშ დოლარის დახმარებას

0
აშშ-ის ბიუჯეტიდან საქართველო მიიღებს 132 025 000 აშშ დოლარის დახმარებას

132 025 000 აშშ დოლარის ოდენობის დახმარებას მიიღებს საქართველო შეერთებული შტატების ფისკალური წლის ბიუჯეტიდან, დოკუმენტს ხელი პრეზიდენტმა დონალდ ტრამპმა მოაწერა.

დოკუმენტის თანახმად, კანონის ამოქმედებიდან არაუგვიანეს 90 დღისა, სახელმწიფო მდივანმა ასიგნებების კომიტეტებს უნდა წარუდგინოს ანგარიში საქართველოში კანონის უზენაესობისა და ანგარიშვალდებული ინსტიტუტების შესახებ.

ბიუჯეტის კანონის თანახმად, აშშ-ის ბიუჯეტიდან თანხა არ შეიძლება გამოიყოს და დაიხარჯოს არც ერთი იმ ქვეყნის დასაფინანსებლად, რომელმაც აღიარა რუსეთის მიერ ოკუპირებული აფხაზეთის და ცხინვალის რეგიონის დამოუკიდებლობა, ან მათთან დაამყარა დიპლომატიური ურთიერთობა.

აშშ-ის სახელმწიფო მდივანმა ასეთი ქვეყნების ცენტრალური მთავრობების სია სახელმწიფო დეპარტამენტის ვებგვერდზე უნდა გამოაქვეყნოს.

დოკუმენტში ვკითხულობთ სახაზინო დეპარტამენტის ინსტრუქციას, რომლის თანახმად, საერთაშორისო ფინანსური ინსტიტუტების დირექტორებმა ისეთ პროგრამებს უნდა გაუწიონ წინააღმდეგობა, რომელიც არღვევს საქართველოს სუვერენიტეტსა და ტერიტორიულ მთლიანობას.

ბიუჯეტის კანონს პრეზიდენტმა ტრამპმა ხელი დღეს მოაწერა.

2020 წლის ივლისში, კონგრესის წარმომადგენელთა პალატამ დაამტკიცა კანონპროექტი ფისკალური წლის სახელმწიფო, საგარეო ოპერაციების და მათთან დაკავშირებული პროგრამების შესახებ, რომლის თანახმად, საქართველოს ხელისუფლების პირდაპირი დახმარებისთვის გამოყოფილი თანხის 15%, შესაძლოა, არ გაცემულიყო და ეს დამოკიდებული იქნებოდა სახელმწიფო მდივნის შეფასებებზე, დგამს თუ არა საქართველოს ხელისუფლება ეფექტიან ნაბიჯებს დემოკრატიული ინსტიტუტების გასაძლიერებლად და კორუფციის დასაძლევად.

საქართველოს საგარეო საქმეთა მინისტრის ინფორმაციით, 10 ნოემბერს გასაჯაროვდა 2020-2021 ფისკალური წლის აშშ-ის საბიუჯეტო კანონის სენატის ასიგნების კომიტეტის ვერსია, რომლის თანახმად, საქართველოს დასახმარებლად 132 მილიონი აშშ დოლარი განისაზღვრა.

ასევე ნახეთ:

ზალკალიანი: სენატის კანონპროექტში არ არის საქართველოს დაფინანსებასთან დაკავშირებული დათქმა

2021 წელს საქართველოს მიერ აშშ-ის დახმარების სრულად მისაღებად შესაძლოა "ოლიგარქების ზეგავლენის" შეზღუდვაც გახდეს საჭირო

კუჭავა ოპოზიციაზე: ტყუილზე და დეზინფორმაციაზე ცდილობენ წინასაარჩევნო კამპანიის აგებას

სამადაშვილი: "ივანიშვილის კორუმპირებული მმართველობა საფრთხეს უქმნის დახმარებას დასავლეთიდან"

პროცესი აშშ-ის კონგრესში: ლაპარაკია საქართველოსთვის დახმარების შემცირებაზე

აშშ 2020 წლის აქტით საქართველოს 132 025 000 აშშ დოლარს გამოუყოფს




Moscow.media
Частные объявления сегодня





Rss.plus




Спорт в России и мире

Новости спорта


Новости тенниса
WTA

Потапова проиграла Остапенко во втором круге турнира WTA 1000






В администрации Клина рассказали, что владелицу упавшего в яму автомобиля лишат прав

Страшная авария забрала жизнь пешехода в Собинском районе

Адвокат Добровинский: сторона Успенской раздражала суд доводами против Киркорова

В Тверской области задержали «закладчиков» синтетики