ჯანდაცვის მინისტრის თქმით, ამ ეტაპზე დამატებითი შეზღუდვების დაწესება არ განიხილება

საქართველოს ჯანდაცვის მინისტრი, ეკატერინე ტიკარაძე აცხადებს, რომ საყურადღებო ეპიდსიტუაციის მიუხედავად, ქვეყანაში დამატებითი შეზღუდვების დაწესება არ განიხილება. მისი თქმით, შეზღუდვების დაწესების შესახებ გავრცელებული ინფორმაციის მიზანი მოსახლეობის შეცდომაში შეყვანაა.

"ჯანდაცვის სამინისტრო მოსახლეობას დადგენილი რეგულაციების დაცვისა და ვაქცინაციისკენ მოუწოდებს. დამატებითი შეზღუდვების დაწესების აუცილებლობა ამ ეტაპზე არ განიხილება. თუ ვინმე ავრცელებს, რომ დამატებითი შეზღუდვების დაწესება იგეგმება, ეს არის სიცრუე და მოსახლეობის შეცდომაში შეყვანას ემსახურება. როგორც ჩანს, ამას გარკვეული ჯგუფები მიზანმიმართულად აკეთებენ", - ამბობს მინისტრი.

საქართველოში ბოლო დღეა საშუალოდ 4000 ადამიანს უდასტურდება კორონავირუსი. ბოლო 24 საათში Covid-19-ის 3 382 ახალი შემთხვევა დაფიქსირდა. ინფიცირების მაჩვენებლის ზრდასთან ერთად ინტერნეტსივრცეში გაჩნდა ინფორმაცია, რომ საკოორდინაციო საბჭო 4 ნოემბრიდან საზოგადოებრივი ტრანსპორტის მოძრაობას შეაჩერებდა.

სულ ვირუსით 2020 წლის 26 თებერვლის შემდეგ 719 ათასზე მეტ ადამიანი დაავადდა.