د غور ولایت یو چارواکی وایي نن تر یوې وسلهوالې نښتې وروسته د غور-کابل لویه لار وتړل شوه. د غور د دولتیار ولسوال، محمد موسی کلیم ازادي رادیو ته وویل، د امنیتي ځواکونو او طالبانو ترمنځ نښته نن سهار پیل شوه. ځینو مسافرو هم د ازادي راډیو له خبریال سره په خبرو کې له حکومته د دې لارې د خلاصولو غوښتنه کړې ده. طالبانو د دې نښتې او د لارې د تړل کېدو په اړه څه نهدي ویلي.
چین د ولسمشر شي جین پېنګ یو منتقد او د املاکو د معاملو مشهوره څېره په ۱۸ کاله بند محکوم کړ. رین ژیکیان د پیکېنګ د یوې محکمې د حکم له مخې، په ۶۱۸ زره ډالرو مالي جریمه هم محکوم شوی دی. هغه د محکمې لهخوا په اداري فساد، رشوت اخیستو، درغلۍ او له قدرته په ناوړه استفادې تورن شوی دی. د محکمې په ویناو ژیکیان دا لګېدلي تورونه منلي او پر خپل جرمیې اعتراف کړی دی. ویل کېږي دغه ۶۹ کلن شتمن کس، د چین د کمونېست ګوند له غړو، له دې ډلې د ولسمشر له مرستیال وانګ کیشان سره نږدې اړیکې لرلې.
د چک جمهوریت یوه ډیپلومات له افغانستان سره د خپل هېواد د دفاعي اړیکو د پراختیا ژمنه وکړه. په پراګ کې د افغانستان سفارت په یوه اعلامیه کې وویل چې د چک د بهرنیو چارو وزارت یوه مرستیال مارتین پوویسېل دا ژمنه د چک جمهوریت لپاره د افغانستان له سفیر شهزاد اریوبي سره په کتنه کې وکړه. په پراګ کې د افغانستان سفارت په یوه اعلامیه کې وویل چې ښاغلي پوویسېل د افغانستان د سولې لپاره پر پیل شویو هڅو خوښي وښووله.
د طالبانو ډلې، د ولسمشر د مرستیالانو پر پرونیو څرګندونو تند غبرګون ښودلی دی. په داسې حال کې چې په قطر کې د سولې د خبرو د اصولو د وروستي کولو لپاره، د افغان دولت او طالبانو د تماس ډلو ترمنځ خبرې روانې دي، د دولت چارواکي او د طالبانو ډله، یو د بل پر کړنو غبرګونونه ښيي. د افغانستان ولسمشر محمد اشرف غني لومړي مرستیال امرالله صالح ویلي چې د طالبانو ډلې د خپلې واکمنۍ پر مهال یو شمېر خلک ځورولي، سنګسار کړي او پرته له قانون نهیې له خلکو عشراو زکات اخیستی دی. ښاغلي صالح د دوشنبې په ورځ «۱۳۹۹ کال... Читать дальше...
واکمن تحريک انصاف ګوند وايي، حکومت به پوره هڅه وکړي چې پر ښځو او ماشومانو د جنسي تيري مجرمانو لپاره له اسمبلۍ د عبرتناکې سزا يو نوی قانون منظور کړي.
د پاکستان په کراچۍ کې محکمې دوه کسان په یوه فابریکه کې د اورلګېدو په تړاو په مرګ محکوم کړل. په ۲۰۱۲م کال په هغه اورلګېدنه کې د نساجۍ فابریکې تر ۲۶۰ زیات کارکوونکي مړه شوي وو. د ترورېزم ضد محکمې د حکم له مخې دغو دوو کسانو، د فابریکې ودانۍ ته د دې لپاره اور واچاوه چې د فابریکې خاوندانو له باج ورکولو ډډه وکړه. د سوداګرۍ او صنعت د ایالتي وزیر رؤف صدیقي په ګډون په پېښه کې څلورو کسانو ته برائت ورکړل شو.
د افغانستان د کورنیو چارو وزارت وايي، د روان کال په ۶ میاشتو کې یا له طالبانو سره د امریکا د هوکړې له لاسلیک کېدو راهیسې، یادې ډلې د افغانستان پر امنیتي ځواکونو، عامه تأسیساتو او عامو خلکو ۷،۰۰۰ وسلهوالې حملې کړې دي. دا خبره د دغه وزارت ویاند طارق ارین د سې شنبې په ورځ «۱۳۹۹ کال د تلې ۰۱» په کابل کې خبریالانو ته وکړه او ویېویل، په دغو حملو کې نږدې ۳،۵۰۰ ملکي کسانو ته مرګژوبله اوښتې، خو ښاغلي ارین د وژل شویو او ټپیانو کره شمېره ونهویل. طالبان دغه ادعاوې ردوي. خو ښاغلی ارین زیاتوي: "د... Читать дальше...
د امریکې د ورلډ فېکټ بوک ترمخه د پاکستان له مسلمانانو ۸۵ فیصده سنيان او ۱۵ فیصده شییعه وګړي دي. پاکستان کې په نويمو کلونو کې شییعه او سني وسله والو ډلو پر يو بل خونړي بریدونه کول.
د افغانستان جمهور رییس محمد اشرف غني د ملګرو ملتونو ۷۵ عمومي اسمبلې ته په خپل ویډیويي پیغام کې یو ځل بیا د چټک اوربند په تامین ټینګار وکړ. د افغان ولسمشر د وینا یوه برخه دلته لیدلی شئ.
یو ایرانی وګړی، چې په نومبر میاشت کې یې د حکومت ضد اعتراضونو کې برخه اخیستې وه، د تهران په یوه توقیف ځای کې مړ شو. دا خبر د ایران د اپوزیسیون ویبپاڼې کلمه پرون ورکړی دی. کلمه وايي، نادر مختاري چې ۳۵ کلن و، د شنبې په ورځ د کهرېزک په توقیف ځای کې ساه ورکړه. تر اوسه ایراني چارواکو د دې پېښې په اړه څه نه دي ویلي. د کلمه ویبپاڼې په وینا مختاري په کرج ښار کې د مظاهرو پر مهال تر نیول کېدو وروسته د امنیتي ځواکونو له خوا داسې ډبول شوی و، چې کوما حالت ته تللی و. دی د مارچ میاشتې په وروستیو کې پرسد... Читать дальше...
افغان حکومت وايي، د سولې پروسه اوږده پړاونه لري او دوی د هرې مرحلې د بشپړېدو لپاره پوره چمتو دي. خو که له طالبانو سره د سولې هوکړه وشي، په سبا یې څه کېږي؟ افغان ولسمشر محمد اشرف غني د دوشنبې په ورځ «۱۳۹۹ کال د وږې ۳۱» د سولې د نړیوالې ورځې په مناسبت جوړې شوې غونډې ته وویل، د سولې له هوکړې وروسته باید د طالب وسلهوالو له ۶۰ تر ۱۲۰ زرو کسان راټول شي. ښاغلی غني زیاته کړې: "خو د بریالي کېدو په سبا څه کوئ، لږ تر لږه له ۶۰ تر ۱۲۰ زره طالب جنګیالي باید جذب کړو، موږ ورته طرحه او چمتووالی لرو." ... Читать дальше...
د افغانستان جمهور رییس محمد اشرف غني یو ځل بیا په دغه هېواد کې پر اوربند ټینګار وکړ. جمهور رئیس محمد اشرف غني وایي، د سولې د مذاکراتو پایلو رسېدو ته هیلهمند دی او له طالبانو غواړي چې بشردوستانه اوربند وکړي او تاوتریخوالی پای ته ورسوي. ښاغلي غني د سې شنبې په ورځ «۱۳۹۹ کال د تلې ۰۱» د ملګرو ملتونو په ۷۵مه سرمشریزه کې د انلاین وېډیو کنفرانس له لارې له دغې مجمعې وغوښتل چې له افغانستان سره مرسته وکړي ترڅو پایدارې سولې ته ورسېږي. ښاغلي غني له طالبانو د ژر تر ژره اوربند غوښتنه وکړه: "موږ په یو... Читать дальше...
د پاکستان زیاتره لویو اپوزېشن ګوندونو د سېپټمبر پر ۲۰مه په اسلام اباد کې د حکومت ضد غونډې پر مهال د ملک د نورو حالاتو تر څنګ د بلوچستان په اړه هم د یو شمېر بدلونونو غوښتنه وکړه.
په اسټرالیا کې نن ژغورونکي هڅه کوي، په لسګونو نهنګان چې د یوه ساحل په کم عمقه اوبو کې راګیر پاتې دي، وژغوري. د ژغورنې دا اقدام وروسته له هغې کېږي، چې په تاسمانیا ټاپو کې په لسګونو ژوي مړه شول. سمندري ژوندپوهان اټکل کوي، چې د ۲۷۰ نهنګونو له ډلې ۹۰ یې مړه شوي دي. معلومه نه ده، چې دغو نهنګانو ولې ساحلي سیمو ته، چې د اوبو اندازه یې کمه ده، مخه کړې وه. د پاتې نهنګانو د ژغورنې عملیات به احتمالاً څو ورځې وخت ونیسي. د پیلوټ په نوم دغه نهنګان د سمندري ډولفینونو له ډلې دي، چې تر غټېدو وروسته یې اوږدوالی ۷ مټرو او وزن یې ۳ ټُنو ته رسېږي. Читать дальше...
د بدخشان پولیس وايي، د درېیو ولسوالیو لپاره د طالبانو د پوځي کمېسیون مرستیال په یوه وسلهواله نښته کې ووژل شو. د بدخشان د امنیه قوماندانۍ ویاند وايي لومړی وسلهوالو طالبانو تېره شپه په راغستان ولسوالۍ کې د امنیتي ځواکونو پر پوستو حمله وکړه چې وروستهیې په وړاندې امنیتي ځواکونو جګړه پیل کړه. د مرګژوبلې په اړهیې ثناالله روحاني وویل: "په دې نښته کې د راغ، کوهستان او یاوان ولسوالیو لپاره د طالبانو د پوځي کمېسیون مرستیال مولوي عطاالله چې په ابراهیم مشهور و، وژل شوی دی." د بدخشان د امنیه قوماندانۍ... Читать дальше...
د کندهار پولیس وايي، په تخته پل ولسوالۍ کې د سرې قطعې د مرستیال په ګډون اته وسلهوال طالبان وژل شوي دي. د کندهار د امنیه قوماندانۍ ویاند جمال ناصر بارکزي ازادي راډیو ته وویل، لومړی وسلهوالو طالبانو غوښتل تېره شپه د امنیتي ځواکونو پر پوستو برید وکړي، خو د پولیسو پر کمین وربرابر شول. هغه زیاته کړه: "دوی د پولیسو لهخوا په شا تمبول شوي دي. ۸ وسلهوال ترهګر وژل شوي دي چې په وژل شویو کې یو یې د سرې قطعې مرستیال بشیرمل هم شامل دی او ۳ نور ټپیان دي." وسلهوالو طالبانو تر اوسه په دې اړه څه نهدي ویلي.
د ښځو چارو رئیسه شافعه نورزۍ وايي، دوی داسې سوله غواړي چې په هغه کې د ټولو افغانانو په ځانګړي ډول د ښځو او ماشومانو حقوق خوندي وي.
د هلمند د والي ویاند تأییدوي چې په نادعلي ولسوالۍ کې یوه نفوذي پولیس خپل ځیني ملګري وژلي دي. د والي ویاند عمر ځواک پېښه تأییدوي، خو وايي په پېښه کې درې پولیس ټپیان او ځیني نور وژل شوي دي. بلخوا د پولیسو یوې سرچینې په سیمه کې د ازادي راډیو خبریال ته وویل، دغه نفوذي کس د عبدالباري په نوم د یوه قوماندان په ګډون پنځه پولیس نن سهار وژلي او بیا تښتېدلی دی. د حملې مسؤلیت تر اوسه چا نهدی منلی.
د امریکا په متحد ایالتونو کې د کرونا ویروس د قربانیانو شمېر دوه لکه تنو ته نږدی شوی دی. په دې ترڅ کې د امریکا ولسمشر ډونالډ ټرمپ ویلي دي چې د کرونا بده څپه تېره شوې ده. بل لور ته د اروپا په یو شمېر سیمو کې بیا د کرونا ویروس مثبتې پېښې زیاتې شوې دي. په اوسط حساب هره ورځ په متحد ایالتونو کې د کرونا د قربانیانو شمېر تقریباً اته سوو ته رسېږي. دا شمېره د اپرېل په نیمایي کې په ۲۴ ساعتونو کې تر دوه زره اته سوه لوړه وه. د امریکا د متحد ایالتونو د روغتیا ډېرو متخصصینو د کرونا په پيل کې په دغه هېواد... Читать дальше...
د طب ماهرین اندېښنې ښيي که حکومت د پاتې ټولګيو ماشومانو ته هم سکولونو ته د تګ اجازه ورکړي نو ښايي په هېواد کې د کورونا ناروغانو شمېر يو وارې بيا سېوا شي.
د ۱۳۹۹ مالي کال د وږې میاشتې له ۱۴مې نه تر ۳۰مې پورې ۸ میلیارده ۴۲۳ میلیونه افغانۍ ملي عواید راټول شوي دي. د مالیې وزارت ویاند شمروز مسجدي نن ازادي راډيو ته وویل چې له دې جملې ۵۹۳ میلیونه له مستوفیتونو، یو میلیارد ۷۲۶ میلیونه له مالیاتي عوایدو، یو میلیارد ۳۷۷ میلیونه له غیر مالیاتي عوایدو او ۴ میلیارده ۷۲۵ میلیونه له ګمرکونو څخه ترلاسه شوي دي. نوموړي وویل چې د روان کال د وږې میاشتې د لومړیو دوو اوونیو په پرتله ۲ میلیارده ۵۸۶ میلیونه افغانۍ لوړوالی ښیي. د روان مالي کال له پیل څخه تر اوسه پورې... Читать дальше...
د افغانستان او ایران ترمنځ د سوداګرۍ او پانګونې لومړنی نندارتون نن په کابل کې جوړ شو. د افغانستان د سوداګرۍ او پانګونې خونې مرستیال یونس مومند نن ازادي راډيو ته وویل چې په دغه یو ورځني نندارتون کې د افغانستان او ایران محصولات نندارې ته ایښودل شوي دي. په یاده ناسته کې د ملي شورا یو شمېر غړي د خصوصي سکټور د رهبرۍ غړي او د دواړو هېوادونو متشبثینو ګډون کړی. په یاد نندارتون کې د افغاني او ایراني محصولاتو ۱۰۰ غرفې جوړې شوې دي. د افغانستان د سوداګرۍ خونې چارواکي هیلهمندي ښیي چې دغه نندارتون کې به افغاني او ایراني محصولاتو ته بازار موندنه وشي.
کابل چاپ ورځپاڼو په خپلو نننیو ګڼو کې تر ډېره د سولې د بینالافغاني خبرو اترو د ځنډېدو او د جمهور رئیس محمد اشرف غني د دوهم مرستیال سرور دانش وروستیو څرګندونو په تړاو لیکنې او تبصرې خپرې کړې دي. هشت صبح هشت صبح ورځپاڼې د سولې د خبرو اترو له پیلېدو سره د جګړې د زیاتېدو اندېښنه مطرح کړې او لیکلي چې په وروستیو اوونیو کې جګړې زور اخیستی او ملکي مرګژوبله زیاته شوې ده. ورځپاڼې پوښتنه مطرح کړې چې د سولې له خبرو سره هممهاله د طالبانو له لوري د حملو زیاتېدل په څه معنی؟ د سرمقاله لیکونکي په باور،که... Читать дальше...
د اروپايي ټولنې د بهرنیو چارو وزیران په بروکسل کې په خپله پرونۍ غونډه کې د بیلاروس د اپوزیسیون د تبعیدي مشرې سويتلانا څیخانوفسکايا له غوښتنې سره سره پردې هېواد د بندیزونو د لګولو په اړه موافقې ته ونه رسېدل. قبرس د دې بندیزونو له پلان سره مخالفت وکړ او په عین حال کې یې د غونډې له اجنډا د یوې وتلې غوښتنې په ترڅ کې د ترکیې پرضد په مدیترانې سمندرګي کې د ګاز د زېرمو د پلټڼې په خاطر د اروپايي ټولنې د اقداماتو غوښتنه وکړه. تمه ده چې پر بیلاروس د بندیزونو د مسئلې په اړه د پنجشنبې او جمعې په ورځو، د اروپايي ټولنې په سرمشریزه کې هم بحث وشي. Читать дальше...
ایران له متحدایالاتو سره د بندیانو د تبادلې ته چمتووالی ښودلی. د ایران د بهرنیو چارو وزیر محمدجواد ظریف پرون د سېپټېمبر په ۲۱مه په نیویارک کې د بهرنیو اړیکو د شورا تحقیقاتي مرکز ته په آنلاین وینا کې وویل چې هېواد یې له امریکا سره د ټولو بندیانو تبادلې ته چمتو دی. ښاغلي ظریف دې پوښتنې ته په ځواب کې چې آیا تهران د ایراني الاصله امریکايي وګړي باقر نمازي او د هغه د زوی سیامک خوشې کولو ته چمتو دی کنه وویل، د ده لپاره یوازینۍ لاره چې قضا د امریکايانو خوشې کولو ته قانع کړي له هغو ایراني وګړو سره چې... Читать дальше...