Новости за 19.12.2021

د اسلامي هېوادونو د همکارۍ سازمان فوق العاده غونډه کې ټینګار وشو چې د بشري ناورین د مخنیوي لپاره باید ژر تر ژره د اړمنو افغانانو لاسنیوی وشي.  غونډه د اسلام اباد په کوربه توب د شااوخوا ۲۲ بهرنیو چارو وزیرانو او ګڼ شمېر ځانګړو استازیو او لویدیځو ډپلوماټانو په حضور کې ترسره شوه.  د پاکستان صدراعظم عمران خان وویل، که له افغانستان سره عاجلې مرستې ونه شي ټوله سیمه باندې به د دغه هېواد روان بحران سختې اغېزې وکړي.  د طالبانو د حکومت د بهرنیو چارو وزارت سرپرست امیرخان متقي هم دې غونډه کې ګډون کړی و. Читать дальше...

په خېبر پښتونخوا کې د ښاروالیو د ټاکنو پرمهال په تاوتریخوالیو کې پنځه تنه وژل شوي.  په کرک کې د دوو کاندیدانو پلویانو جګړه کړې چې دوه تنه په کې وژل شوي او دوه ټپیان دي.  بل خوا د کوهاټ په شېخان سېمې کې هم د رایو یو مرکز مخې ته وسله والو په ډزو یو تن وژلی او دوه یې ټپي کړي دي.   په باجوړ کې د عوامي نېشنل ګوند پر ګاډو شوې يوه حمله کې دوه کسان وژل شوي دي.  پولیسو ازادي راډيو ته وويل چې د سړک غاړې دا بمي چاودنه په کمرسر کې شوې او درې کسان په کې ټپي شوي هم دي.  هاخوا د خېبر ضلعي د پولیسو ویاند... Читать дальше...

یو شمېر خلک وايي، سره له دې چې نړۍ او د سیمې هېوادونو زیاتو مرستو اعلان کړی، خو تراوسه دوی هېڅ هم نه دي ترلاسه کړي.  ځينې بیا ادعا کوي چې له بهرنیو هېوادونو څخه د شوي مرستو د رسولو په برخه کې روڼتیا نشته. لیلما هغه مېرمن چې په وینا یې تېره یوه میاشت کې له افغانستان سره د سیمې او نړۍ د بېلابېلو هېوادونو له خوا د میلیونونو افغانیو په ارزښت مرستې وشوې، خو نوموړې لا هم شپه ورځ په لوږه تېروي.  نوموړې د کندز ولایت اوسیدونکې ده، درې ماشومان لري او خاوند یې د دولت کار کوونکی و. اغلې لیلما په دې باور... Читать дальше...

د اسلامي هېوادونو د همکارۍ سازمان فوق العاده غونډه کې ټینګار وشو چې د بشري ناورین د مخنیوي لپاره باید ژر تر ژره د اړمنو افغانانو لاسنیوی وشي. غونډه د اسلام اباد په کوربه توب د شاوخوا ۲۲ بهرنیو چارو وزیرانو او ګڼ شمېر ځانګړو استازیو او لویدیځو ډپلوماټانو په حضور کې ترسره شوه. د پاکستان صدراعظم عمران خان وویل که له افغانستان سره عاجلې مرستې ونه شي ټوله سیمه باندې به د دغه هېواد روان بحران سختې اغېزې وکړي. د طالبانو د حکومت د بهرنیو چارو وزارت سرپرست امیرخان متقي هم دې غونډه کې ګډون کړی و.

په اسلام اباد کې د اسلامي هېوادونو د همکاريو د سازمان کنفرانس سره هم مهاله هندي رسنيو راپور ورکړی چې نوي ډيلي د یکشنبې په ورځ د 'د هند پيوستون -مرکزي اسيا' تر عنوان لاندې د ناستې کوربه و.  په دې ناسته کې د تاجکستان ، ترکمنستان، ازبیکستان قزاقستان او قرغيزستان هېوادونو د بهرنیو چارو وزيرانو ګډون کړی وو او د افغانستان د سياسي مسايلو، سوداګريزې پراختيا او د سيمې د اتصال په اړه يې خبرې اترې وکړې.  د دې ناستې د اعلاميې په پای کې راغلي، دغه هېوادونه له يو امن او باثباته افغانستان څخه ملاتړ کوي او د... Читать дальше...

اسراییلي ځواکونو په لویدیځه غاړه کې د تېرې اوونۍ د ډزو په تړاو څلور فلسطینیان نیولي دي.  د اسرائیلو امنیتي چارواکي وايي، د تېرې پنجشنبې په ورځ په یوه موټر کې د یوه یهودي دیني ښوونځي درې زده کوونکي هدف وګرځول شول.  يو تن وژل شوى او دوه نور ټپيان دي.  اسراییلي چارواکو د نیول شوېو کسانو نومونه نه دي په ډاګه کړي، خو ویلي یې دي چې په اړه یې پلټنې روانې دي.  څو فلسطیني ډلو د تېرې پنجشنبې برید ستایلی، خو چا یې پړه پر غاړه نه ده اخیستی.

ارین سکلېټ لوبډلې د غور د فوټسال غوره لیګ اتلولي وګټله. د افغانستان د فوټبال فدراسیون په خپله فېسبوک پاڼه کې لیکلي دي چې دا لیګ دوه اوونۍ مخکې د امن جام په نوم په فېروزکوه ښار کې پیل شوی چې نن پای ته ورسېد. په دې سیالیو کې ۱۲ لوبډلو ګډون کړی و چې په پايلوبه کې ارین سکلېټ او لایف ګېټ لوبډلې سره مخامخ شوې او په پایله کې ارین سکلېټ لوبډله د سیالیو اتله شوه. د لایف ګېټ لوبډلې لوبغاړی عبدالروف ګوجر ته د ۲۴ ګولونو په وهلو سره د ښه ګول وهونکي، د ارین سکلېټ لوبډلې لوبغاړي ظاهر ګهريته د غوره لوبغاړي... Читать дальше...

د هند کرکټ ملي لوبډله په جنوبي افریقا کې راتلونکو لوبو ته تیاری نیسي. د هند کرکټ بورډ وايي، هندۍ لوبډله جنوبي افریقا ته رسېدلې ده او اوس په یاد هېواد کې راتلونکو لوبو ته تیاری نیسي. د هند او جنوبي افریقا ترمنځ به درې ټېسټ او درې یو ورځنۍ لوبې وشي چې لومړۍ ټېست لوبه به د ډسمبر میاشتې په ۲۶مه نېټه پیل او د ۲۰۲۲ میلادي کال د جنوري میاشتې په ۲۳مه نېټه به د درېیمې او وروستۍ یو ورځنۍ لوبې له کولو وروسته دا سیالۍ پای ته ورسېږي. د هند کرکټ لوبډلې لوبغاړي چيټیشوار پوجاړا ویلي، باور لري چې دا لوبې به... Читать дальше...

د افغانستان د کرکټ د نولس کلنو نه کم عمره لوبډله د اسیايي جام په لوبو کې د ګډون په هدف متحده عربو اماراتو ته ولاړه.  د افغانستان کرکټ بورډ ازادي راډیو ته په یوه پيغام کې ویلي چې دا سیالۍ به د ۸ اسیايي لوبډلو په ګډون د ډسمبر په ۲۳مه نېټه پيل او په ۳۱مه نېټه پای ته ورسېږي.    په پیغام کې راغلي چې د افغانستان د ۱۹ کلنو ځوانانو لوبډله به په خپل ګروپ کې د هند، پاکستان او متحده عرب اماراتو سره لوبې وکړي.    د سیالیو له پیل مخکې به په کوربه هېواد کې افغان لوبغاړو ته یو روزنیز کمپ هم جوړ شي.  تر... Читать дальше...

د افغانستان په اړه د اسلامي همکاریو سازمان د بهرنیو چارو وزیرانو فوق‌العاده غونډه په اسلام‌اباد کې روانه ده. دې غونډه د اسلامي هېوادونو د ۲۲ هېوادونو د بهرنیو چارو وزیرانو په ګډون د څه پاڅه ۵۰ هېوادونو او سازمانونو استازي ورغلي دي. د دې کنفرانس په پیل کې د پاکستان د بهرنیو چارو وزیر شاه محمود قریشي په افغانستان روان وضعیت نازک وباله او ویې ویل، بايد له کوم قيد او شرط پرته له دې هيواد سره مرستې دوام وکړي. قریشي زیاته کړه: "نغدو پیسو ته اړتیا ده، څو اقتصاد په خپلو پښو ودرول شي، معاشونه ورکړل... Читать дальше...

ایران کې نن یو بل سیاسي بندي هم اعدام شو. حیدرقرباني په بغاوت او د درېیو کسانو په وژنه تورن وو. د کردستان څارنوالۍ خبر ورکړ چې حیدر قرباني د سنندج په زندان کې اعدام شوی دی. خو د بښنې نړیوال سازمان د قرباني تر اعدام مخکې ویلي و چې له دغه سیاسي بندي نه ایراني څارنوالانو په زور اعتراف اخیستی او باید د اعدام حکم یې لغوه شي. تر دې مخکې د ایران د بشري حقونو په تړاو د ملګرو ملتونو ځانګړي راپورتر ویلي چې حیدرقرباني هېڅکله وسله نه وه پورته کړې او د هغه د شکنجې او جبري اعتراف راپورونه د جدي اندېښنې وړ دي. Читать дальше...

په داسې حال کې چې په افغانستان کې د نجونو پرمخ د ښوونځیو دروازې تړلي د کابل ښار اوسېدونکې مرسل له شپږمه تر دولسم ټولګي مضمونونه تدریسوي. مرسل د ادارې او تجارت له پوهنځي فارغه ده، خو اوس کومه رسمي دنده نه لري. مرسل چې د طالبانو د حکومت له وېرې نه غواړي د دغه ښونیز مرکز دقیق ځای یې په راپور کې یاد شي وایي، دغو نجونو ته ځکه د ښوونځي مضمونونه ور زده کوي چې که راتلونکی کال یې پر مخ د ښوونځي دراوزې پرانیستل شي، نو له بشپړ چمتوالي سره به ښوونځیو ته ولاړې شي. مرسل وایي:" دا مرکز مې د شپږم ټولګي... Читать дальше...

د پاکستان صدراعظم عمران خان وايي، امریکا دې د افغانستان د خلکو او طالبانو حساب جلا وګڼي او د دغه هېواد بشري ناورین په پام کې ونیسي.   خان دا خبره نن په اسلام اباد کې د 'او. ای. سي' یا د اسلامي همکاریو د سازمان د بهرنیو چارو وزیرانو فوق العاده غونډې ته وکړه چې هدف یې د افغانستان روان بشري ناورین ته د حل لارو لټول دي.  عمران خان زیاته کړه: "زه په خاصه توګه امریکا مخاطبومه چې باید د طالبانو حکومت او د څلوېښتو میلیونو افغانانو حساب جلا کړي. که څه هم دوی ( امریکا ) له طالبانو سره تېر شل کاله جګړه وکړه، خو دا د افغانستان د خلکو مساله ده. Читать дальше...

د سیاسي او سیمه ییزو چارو شنونکي وايي، د طالبانو حکومت په رسمیت پېژندلو لپاره تر نورو هیوادونو پاکستان ته ډېر مخ ور اوړي کوم چې د دوی په وینا، تل د طالبانو لپاره کمپاین کړی دی.

د غزني د سوداګرۍ او پانګونې خونه په دې ولایت کې د سوداګرو مېرمنو د فعالیتونو په کمېدو اندېښنه ښيي. د غزني د سوداګرۍ او پانګونې خونې مشر عبدالمتین قلندري نن یکشنبه (د لیندۍ په ۲۸مه) ازادي راډیو ته وویل چې د دې مېرمنو فعالیتونه له سل سلنې څخه لس سلنې ته را ټيټ شوي دي چې سوداګرو مېرمنو ته یې ستره اقتصادي ضربه رسولې ده. ښاغلی قلندري وايي، سوداګرو مېرمنو په تېر حکومت کې د خوراکي توکو د تولید، لاسي صنایعو، کرنې او په نورو برخو کې فعالیتونه درلودل، خو نوموړی زیاتوي چې د بانکي ستونزو او د بازار د نشتوالي له امله اوس یې کارونه کم شوي دي.

د کابل یو شمېر اوسېدونکي او مدني فعالان، په اسلام اباد کې له بشري ناورینه د افغانستان د اېستلو په اړه، د اسلامي هېوادنو د همکاريو سازمان ناستې نه د ښکارنده او اغيزمنو پايلو هيله لري. اسلام اباد نن د دې غوندې کوربه دی. يو شمېر کابل ميشتي وايي، سره له دې چې د افغانستان په اړه په ځلونو دا شان ناستې شوي او پايله يې نه ده ورکړې، خو دا ځل په دې توپير چې افغانستان کې نظام بدل شوی او حالات سخت دي، تر هر بل وخت د دې ډول ناستو پايلو ته هيله مندي زياته ده. د دوی په باور، د افغانستان له خلکو سره دا مهال،... Читать дальше...

د ازبیکستان د ټرانسپورت وزیر د طالبانو د بهرنیو چارو له سرپرست وزیر سره په لیدنه کې ویلي دي چې د ازبیکستان او افغانستان ترمنځ د رېل پټلۍ کار به په راتلونکي پسرلي کې پيل شي. د طالبانو حکومت د بهرنیو چارو وزارت ویاند عبدالقهار بلخي په خپل ټوېټرپاڼه کې لیکلي دي، دا لیدنه تېر ماښام په اسلام اباد کې وشوه چې د ازبیکستان د ټرانسپورټ وزیر الهام محکموف وویل چې دوی به افغانان د رېل پټلۍ په برخه کې ور روزي او همدا ډول یې په هر اړخیزو اقتصادي همکاریو هم ټېنګار کړی دی. د یادونې ده چې افغانستان، ازبیکستان... Читать дальше...

د افغانستان د روان بشري ناورین په خاطر د اسلامي همکاریو د سازمان د بهرنیو چارو وزیرانو فوق العاده غونډه په اسلام اباد کې پيل شوه.  د پاکستان د بهرنیو چارو وزیر شاه محمود قریشي د غونډې په پرانیستونکې وینا کې وویل: "د افغانانو لپاره د دې غونډې اهمیت تر یوې سمبولیکې ناستې ډېر زیات دی دا هغوی ته د بقا یوه موضوع ده. دم ګړۍ د افغانستان نیمايي نفوس ۲۲ میلیونه او اته لکه اوسیدونکي چې د ملګرو ملتونو د دوه پر درېیمې برخې هېوادونو له نفوسو زیات دی د خوړو موادو له کمښت سره مخ دي."   دا ناسته د سعودي عربستان... Читать дальше...

سعودي عربستان وايي، پرون شنبه (د لېندۍ ۲۷مه) یې په مرستو بار دوې الوتکې کابل ته ولېږلې.  د سعودي عربستان د رسمي سرچینو له راپور سره سم، دا څه باندې ۶۵ ټنه بشري مرسته د دغه هېواد د پاچا سلمان د بشري مرستو د مرکز له لوري افغانانو ته استول شوې ده.  سعودي تر دې وړاندې هم په څلورو الوتکو کې خوراکي مواد او خیمې افغانستان ته لېږلې وې.  د دغه هېواد د چارواکو په وینا له پرونۍ مرستې سره یې تراوسه پورې افغانستان ته ټولټال ۱۹۷ ټنه مرسته لېږلې ده.

د بغداد په زرغون امنیتي زون کې نن یکشنبه سهار د امریکا سفارت ته نژدې دوه راکټونه لګېدلي دي.  عراقي سرچینو فرانس پرېس خبري اژانس ته ویلي چې تراوسه کومې ډلې د دغو بریدونو مسوولیت په غاړه نه دی اخیستی.  ځینو عراقي رسنیو ویلي چې په سفارت کې موجود توغندي ضد سیسټم ځوابي ګوزار کړی او یو راکټ یې په هوا کې شنډ کړی، خو یو بل سفارت ته نژدې لګېدلی دی.  د بغداد په زرغونه امنیتي ساحه کې له دې راکټي بریده وروسته د خطر زنګ ووهل شو او دې سیمې ته تللې لارې بندې شوې.  دا برید له عراقه د امریکايي ځواکونو د وتلو... Читать дальше...

د طالبانو د حکومت د بهرنیو چارو وزیر وایي، نړیوال سازمانونه له کوم خنډ پرته افغانستان کې فعالیت کولای شي.  امیرخان متقي دا خبره پرون په اسلام اباد کې د سره صلیب نړیوالې کمېټې له استازو سره د لیدو کتو پرمهال وکړه او ويې ویل، طالبانو دغو سازمانونو ته ضمانتونه هم ورکوي.  د طالبانو د بهرنیو چارو مرستیال وزیر شېر محمد عباس ستانکزي هم پرون ویلي، د امریکا په څېر هېوادونه مسولیت لري چې له افغانستان سره مرسته وکړي.  د طالبانو چارواکي داسې مهال د نړیوالو سازمانونو او هېوادونو مرسته غواړي چې له افغانستانه... Читать дальше...

د افغانستان د کرکټ تر ۱۹ کلنو کشره ملي لوبډله په اسیایي جام سیالیو کې د ګډون په موخه نن متحده عربي اماراتو ته روانېږي.  دا سیالۍ د دسمبر په ۲۳مه نېټه پيلېږي او د همدې میاشتې په ۳۱مه نېټه پای ته رسیږي.  د افغانستان کرکټ بورډ وایي چې افغان لوبډله خپله لومړۍ لوبه د دسمبر په ۲۳مه نېټه (راتلونکې پنجشنبې) له پاکستان سره کوي.  د افغانستان دوهمه لوبه د دسمبر په ۲۵مه نېټه له متحده عربي اماراتو او درېیمه هغه یې د همدې میاشتې په ۲۷مه نیټه له هند سره ده.  اسیایي جام سیالیو کې ټولټال ۸ لوبډلې ګډون لري. Читать дальше...

روسیې ویلي، د طالبانو له واکمنۍ څه باندې څلور میاشتې وروسته یې هم نژدې دوه سوه کسان له افغانستانه تخلیه کړي دي.  د روسیې د دفاع وزارت پرون شنبه (د لېندۍ ۲۷مه) وویل، درې بار وړونکې الوتکې یې چې دوه سوه کسان په کې وو، پرون په چکالوفسکي پوځي اډه کې کیناستې.  د وزارت په وینا، دغو الوتکو د روسیې له خوا کابل ته بشري مرستې ورسولې او بېرته راتګ کې يې دا کسان له ځان سره بوتلل.  د روسیې پوځ د اګسټ میاشتې له وروستیو را په دې خوا ۷۷۰ تنه له افغانستانه ایستلي دي.  د طالبانو له راتګ وروسته یو شمېر هېوادونه... Читать дальше...

د پاکستان په بندري ښار کراچۍ کې د بدرفت یا چټلو اوبو په سیستم کې د ګازو چاودنې لږ تر لږه ۱۲ کسان وژلي او ۱۱ تنه یې ټپیان کړي دي.  د پاکستان د پولیسو یوه ویاند سهیل جوخیو ویلي، چاودنه داسې مهال شوې چې د یوه محلي بانک د ودانۍ لاندې د چټلو اوبو سیستم کې ډېر ګاز جمع شوي وو.  دغې قوي چاودنې د 'ایچ.بي. ایل' بانک ودانۍ هم نړولې ده.  د کراچۍ په روغتون کې یوه ډاکټر صابر میمون ویلي، دوی ته ۱۰ وژل شوي او ۱۳ ټپیان ور وړل شوي چې د درېیو کسانو روغتیایي وضعیت د اندیښنې وړ دی.  د پولیسو یوه مسول بیا ویلي... Читать дальше...

مسکو وایي، د 'پرانیستو اسمانونو' له توافق لیک نه یې رسماً وتل نهایي کړي دي.  دا توافق لیک په ۲۰۰۲ میلادي کال کې لاسلیک شوی دی.  دا تړون لاسلیک کوونکو ته اجازه ورکوي چې یو د بل پر فضا غیر وسله وال څارونکي پروازونه وکړي.  د امریکا د مخکیني ولسمشر ډونالډ ټرمپ ادارې روسیه د دغه تړون په 'ښکاره نقض' تورنه کړې ده.  امریکایي ادارې هغه مهال ویلي و، مسکو د ګرجستان سرحد ته نژدې د کالینینګراد پر فضا او د چیچنیا د شمالي قفقاز په سیمه کې پر الوتنو محدودیتونه لګولي دي.  امریکا هم د ۲۰۲۰ میلادي کال په نوومبر کې له دې تړونه ووتله. Читать дальше...