په اسلام اباد کې د کورونا وایرس د پېښو زیاتېدو ته په کتو انتظامیې د ښار ځینې برخې د دوو اوونیو لپاره تړلې دي. انتظامیه وايي، د اسلام اباد په ځینو ځایونو کې خلکو احتیاط نه کاوه نو ځکه یې د جون له ۱۳مې څخه ټولبند اعلان کړ. په تړلیو سیمو کې د کراچۍ کمپنۍ دوه مارکېټونه هم شامل دي. د جون تر ۱۷مې په پاکستان کې د کووېډ-۱۹ ناروغانو شمېر ۱۵۴،۷۶۰ ته لوړ شوی چې ورڅخه یې ۵۸،۴۳۸ جوړ شوي خو ۲،۹۷۵ مړه شوي. د ټولبند په اړه ویډيويي رپورټ.
