ABŞ aňtaw gulluklary Khaşoggini öldürmek buýrugyny tagt başyndaky şazadanyň berendigine ynanýarlar

ABŞ-nyň aňtaw resmileri geçen aý Türkiýede žurnalist Jamal Khaşoggini öldürmek buýrugyny saudlaryň tagt başyndaky şazada Muhammad bin Salmanyň berendigine ynanýandyklaryny aýtdylar.


Habar serişdelerinde peýda bolan maglumata görä, ABŞ-nyň aňtaw gulluklarynyň bu baradaky netijesi saudlaryň ABŞ-daky ilçisi, tagt başyndaky şazadanyň dogany şazada Khaled bin Salmanyň Khaşoggi bilen geçiren telefon gepleşigine esaslanýar.


Saud ilçisi bulary ret etdi.


Saud hökümetiniň tankytçysy Khaşoggi 2-nji oktýabrda saudlaryň Stambuldaky konsulhanasynda öldürilipdi.