Ankarada bolan otly hadysasynda azyndan ýedi adam öldi

Türkiýäniň paýtagty Ankaradaky stansiýada ýokary tizlikli otlynyň çakyşmagy netijesinde azyndan ýedi adam öldi, 46 adam bolsa ýaralandy diýip, resmiler aýtdylar.


Ankaranyň gubernatory  Wasip Şahiniň žurnalistlere aýtmagyna görä, ýokary tizlikli otly 13-nji dekabr güni irden ýol bir ýolda kada bolan barlaglary geçirýän lokomotiw bilen çakyşdy.


Wakanyň bolan ýerinden edilen wideoýazgylarda Ankaranyň günbataryndaky Marsandiz otly stansiýasynda adatdan daşary ýagdaýlar gulluklarynyň işgärleriniň agyr zyýan ýeten wagonlardan adamlary halas edişleri görünýär.


Ýokary tizlikli otly merkezi welaýat Konýa barýan eken. Onuň çakyşan wagtynda nähili tizlikde barýandygy bada-bat belli bolmady.