Ýaponiýa täze imperator bilen başlajak täze döwri ‘Reiwa’ atlandyrdy

Ýaponiýa ýurduň imperatory Akihitonyň şu aýyň ahyryna tagtdan çekilmegi bilen başlajak täze döwrüň adynyň “Reiwa” diýlip atlandyryljakdygyny aýdýar.


Kabinet sekretary Ýoşihide Suganyň 1-nji aprelde beren maglumatyna görä, bu at Akihitonyň mirasdüşer ogly Naruhito imperator bolan mahaly, ýagny 1-nji maýdan güýje girer.


Onuň sözlerine görä, bu at 7-nji asyra degişli “Manýoşu” poeziýa ýygyndysyndan öz gözbaşyny alýar.


Bu at iki sözi özünde jemleýär: “Rei” -  “düzgün-tertip” ýa-da “ýakymly” diýen manylar bilen ilteşdirilýär; “Wa” – adatça “parahatçylyk” ýa-da “sazlaşyk” diýlip terjime edilýär.