Новости за 18.04.2019

Azatlyk Radiosynyň Aşgabatdaky habarçylarynyň maglumatlaryna görä, paýtagtyň jemagat edaralarynyň işgärlerini iş wagtyndan daşary işlemäge mejbur edýärler, ýagny gijelerine köçeleri ýuwup, süpürmäge mejbur edýärler. "Dürli guramalaryň işgärlerini - suw guramasynyň, parklara, suw çüwdürimlerine gözegçilik edýän, liftleri bejerýän edaralaryň işgärlerini kanun boýunça iş wagtyndan daşary işlemäge mejbur edýärler. Olar tutuş şäheriň içinde haşal otlary goparýarlar, gijelerine el bilen ýollary ýuwýarlar, köçe süpürýärler we baglary arassalaýarlar.

Birleşen Ştatlaryň Adalat departamenti baş prokuror Wiliam Baryň (William Barr) 2016-njy ýylda geçirilen prezidentlik saýlawlaryna Russiýanyň gatyşygy barada ýörite geňeşçi Robert Muelleriň taýýarlan hasabatynyň redaktirlenen görnüşini 18-nji aprelde çap etjekdigini aýdýar.

Peruwyň ozalky prezidenti Alan Garsia hassahanada aradan çykdy. Ol 17-nji aprelde, polisiýa tussag etmek üçin paýtagt Limadaky jaýynyň işigine gelende, özüni atdy. Garsia parahorlyk derňewi bilen baglylykda tussag edilmelidi. Ýerli media biraz soň onuň haýdan-haý hassahana alnyp gidilendigini we şol ýerde jan berendigini habar berdi.  Garsia Peruwa milletçi hökmünde 1985-nji ýyldan 1990-njy ýyla çenli ýolbaşçylyk etdi, soň özüni azat bazar tarapdary hökmünde görkezip, 2006-njy ýylda ýene bir prezidentlik möhletini gazandy. Читать дальше...

Günorta-günbatar Pakistanda kimlerdigi anyklanmadyk hüjümçiler awtobuslaryny güpbasdy edeninden soň, 14 ýolagçy öldürildi diýip, resmiler aýtdylar. Resmiler we ýerli media ýaragly adamlaryň 18-nji aprel güni irden Karaçiden Gwadara barýan awtobusyň ýolagçylaryny maşyndan düşmäge mejbur edendiklerini aýdýarlar. Aman galanlar polisiýa ýaragly adamlaryň ýolagçylaryň şahsyýetlerini kesgitlänlerinden soň, olaryň bir toparyny saýlap-seçip öldürendiklerini gürrüň berdiler. Bu ganhorlygyň sebäbi belli däl. Читать дальше...

Türkmenistan we Fransiýa iki ýurduň diplomatik missisýalarynyň we konsullyk edaralarynyň işgärleriniň maşgala agzalaryna iş rugsady bermek hakynda hökümetara ylalaşyga gol çekdi diýip, “Trend” neşiri Türkmenistanyň Daşary işler ministrligine salgylanyp habar berýär. Bu dokumente Aşgabatda geçirilen syýasy geňeşmelerden soňra gol çekildi. Gepleşiklere türkmen tarapyndan daşary işler ministri Reşit Meredow, Fransiýa tarapyndan daşary işler ministri Žan Batist Lemuan ýolbaşçyylyk etdi. Gepleşiklerde... Читать дальше...

Syýasy liderleriň ýygy-ýygydan žurnalistler babatynda duşmançylygyny bildirmegi mediany dünýä ýüzünde töwekgellige salýar diýip, Serhetsiz reportýorlar guramasynyň 18-nji aprelde çap edilen ýyllyk hasabatynda aýdylýar. Syýasatçylar tarapyndan media babatynda ýaýradylan ýigrenç “barha kän we ýygjam duşýan zorluk hereketlerine meçew berip, žurnalistler üçin görülmedik derejedäki gorky-howatyrlara alyp geldir” diýip, 2019-njy ýylyň Bütindünýä Metbugat azatlygy indeksinde aýdylýar.  “[Prezident]... Читать дальше...

Orsýetiň prezidenti Wladimir Putin we täjik prezidenti Emomali Rahmon öz ýurtlarynyň howpsuzlyk hyzmatdaşlyklaryny dowam etdirmegi wada berdiler. Moskwada 17-nji aprelde geçirilen gepleşiklerden soň, Kreml beýanat çap edip, iki lideriň “terrorizme, ekstremizme, neşe gaçakçylygyna we bikanun ýarag söwdasyna garşy bileleikdäki göreş tagallalaryny” dowam etdirmek ylalaşygyna gelendigini habar berdi. Rahmon rus paýtagtyna iki günlük resmi sapara geldi. Ol Putin bilen bir topar dokumente, şol sanda... Читать дальше...

Serhetsiz reportýorlar guramasynyň metbugat azatlygy boýunça ýyllyk hasabatynda Türkmenistan iki dereje ýitirip, iň yzdaky orna düşdi,.

Lebap welaýatynda ene-atasy Türkiýede işleýän çagalaryň dogan-garyndaşlaryndan dilhaty alynýar. Onda çaganyň hossarlaryndan onuň özleriniň gözegçiligindedigini we haýsydyr bir hadysa bolan ýagdaýynda, jogapkärçiligi öz boýnuna alýandyklaryny tassyklap, gol goýmak talap edilýär.