Новости за 13.04.2019

13-nji aprelde, dowamly ýagyşlardan soň, Türkmenistanyň paýtagtyna ýene sil geldi diýip,  "turkmen.news" neşiri öz çeşmelerine salgylanyp, habar berdi. Neşiriň çap eden wideosynda Aşgabadyň köçlerini basan bulanyk suwuň içinden ýöräp barýan maşynlar görünýär. "10 ýyl Abadançylyk", "Ýubileýnaýa" köçelerini we Nebit-gaz toplumynyň ýanyndaky ýollary, "Parahat" etrapçasyny sil basandygy habar berilýär. "Parahat -4" etrapçasynda ýaşýayş jaýlarynyň ýerzeminleri, "Berkarar" söwda merkezini ýene suw basdy diýip, habarda aýdylýar. Читать дальше...

Pakistanyň Kwetta şäherinde 12-nji aprelde bolan ulag partlamasynda azyndan 20 adam öldi, 48 adam ýaralandy diýip, polisiýa aýtdy.  Polisiýanyň başlygy Abdur Razzaq Çeema Azat Ýewropa/Azatlyk radiosynyň Pakistan gullugyna partlaýjydan doldurylan awtoulagyň Gök bazarynda goýlandygyny aýtdy. Ölenleriň arasynda iki çaga hem bar, ýedi adam hasshana ýerleşdirildi diýip, ol sözüniň üstüni ýetirdi.  Hüjüm şaýylaryň hazara etniki azlygyny nyşana alana meňzeýär diýip, Çeema aýtdy. Biraz soň Pakistan... Читать дальше...

Guramaçylar Belgradda prezident Aleksandr Wuçiçe garşy guralýan ýygnanyşyklaryň çäginde iň köp adamly protestleriň biriniň bolmagyna garaşýarlar. 13-nji apreldäki demonstrasiýa 30 çemesi oppozision toparyň, syýasy partiýalaryň, aktiwistleriň erkin koalisiýasy tarapyndan gurnalýar we Serbiýanyň beýleki şäherlerinde hem ýörişleriň geçirilmegi planlaşdyryldy. Serbler dekabrdan bäri her hepde Belgradyň we beýleki şäherleriň köçelerine çykyp, öz sözleri bilen aýdylanda, Wuçiçiň awtokrat dolandyryşyna... Читать дальше...

Demirgazyk Koreýanyň lideri Kim Jong Un özüniň ABŞ-nyň prezidenti Donald Tramp bilen üçünji sammit üçin hem açykdygyny, ýöne munuň şertiniň bardygyny aýtdy diýip, döwlet eýeçiligindäki media 13-nji aprelde habar berdi. "Biz Birleşen Ştatlaryň batyrgaý karar bilen gelmegine ýylyň aýagyna çenli sabyr-kanagat bilen garaşarys” diýip, Kim Koreýanyň Merkezi habar agentligi tarapyndan sitirlendi. Neşiriň maglumatyna görä, Kim Tramp bilen fewralda geçiren sammitiniň netijesiz gutarmagyna, öz häsiýetlendirmegi boýunça... Читать дальше...

Türkmenistanyň prezidenti Gurbanguly Berdimuhamedow 12-nji aprelde nobatdaky kadr çalşygyny geçirdi, käýinç yglan etdi.  Hökümetiň gurluşyk, energetika we jemagat hojalygy pudagyna gözegçilik edýän wise-premýer Dädebaý Amangeldiýew başga işe geçmegi sebäpli wezipesinden boşadyldy. Onuň ýerine ozal energetika ministri bolup işlän Çarymyrat Purçekow bellenildi. Ýurduň energetika ministri wezipesine ozal bu ministrligiň Owganystandaky wekilhanasynyň başlygy bolan Myrat Artykow bellenildi.  "Türkmennebit»... Читать дальше...

Özbegistanyň prezidenti Şawkat Mirziýoýewiň uly gyzy prezidentiň täzelikde döreden Metbugat we maglumat agentliginiň başlygynyň orunbasary wezipesine bellendi. Täze gurama kommunikasiýa we media düzgünlerine gözegçilik eder diýip, agentlik 12-nji aprelde habar berdi.  Prezident diwanynyň başlygy Zainilobiddin Nizomiddinow Daşkentdäki resmi ýygnanyşykda Saida Mirziýoýewanyň “Özbegistanyň daşary ýurtlardaky oňyn at-abraýyna” we “döwlet edaralarynyň metbugat gulluklaryna” jogapkär boljakdygyny aýtdy. Читать дальше...

Gyrgyzystanyň ozalky prezidentlige kandidaty, garşysyna jenaýat derňewi açylandan soň ýurtdan gaçan iş adamy yzyna dolanmak baradaky planlaryny goýbolsun etdi. Ömurbek Babanow haýsydyr bir “üçünji güýçleriň” öz Bişkege dolanmagyny gozgalaň turuzmak üçin ulanmak ähtimallygy baradaky aladalar esasynda saparyny goýbolsun edendigini aýtdy diýip, AKIpress 13-nji aprelde habar berdi. Şeýle-de ol öz goldawçylaryny özüne arka durmak üçin ýygnanyşmazlyga çagyrdy. Biraz öňBabanow feýsbukda özüniň Moskwadan... Читать дальше...

Prezident Gurbanguly Berdimuhamedow 12-nji aprelde Ministrler kabinetiniň giňişleýin mejlisini geçirip, gurlup gutarylan desgalaryň käbiriniň, öz sözleri bilen aýdylanda, “hasapdan hasaba geçirilmän, eýesiz durýandygyny” boýun aldy.