Eýrandaky ýowuz sil sebäpli has köp etrap we oba ewakuasiýa edilýär
19-njy martdan bäri Eýranyň 31 welaýatynyň 26-nda ýüzlerçe etrap we oba güýçli çabga ýagmyrlarynyň netijesinde bolup geçen suw joşgunlaryndan ejir çekýär. Bu tebigy betbagtçylykda häzire çenli azyndan 70 adam öldi.
Eýranyň günorta-günbataryndaky nebit öndürýän Khuzestan welaýaty silden has köp ejir çekdi.
Bu welaýatyň häkimi Gholamreza Şariatiniň 6-njy aprelde resmi IRNA habar agentligine beren maglumatyna görä, hökümet uly bentlerdäki suwy goýberen mahaly, alty etrabyň “tizden-tiz ewakuasiýa edilmelidigini” aýtdy.
Eýranyň media maglumatlaryna görä, welaýatyň paýtagty Ahwazyň golaýyndaky Hamidieh etrabynyň 2000-den gowrak ýaşaýjysy ýurduň armiýasynyň jaýlaryna göçürildi.