YD-nyň lideri wideoda peýda boldy
Wideony ekstremistik toparyň “Al-Furkan” mediasy 29-njy aprelde ýaýratdy.
Wideoda Abu Bakr al-Baghdadi tijegsiz, ýarym çal, ýarym gyzyl bulaşyk sakgally, diwara söýenip oturan ýagdaýda görkezilýär. Onuň sag eliniň golaýynda awtomatiki ýarag hem ýerleşdirilipdir.
Mundanam başga, wideoda ýüzi maskaly üç adamyň onuň berýän gürrüňlerini diňleýän pursatlary hem görkezilýär.
Bagdadi – ýuwaş we dowamly arakesmeler bilen gürläp – öz söweşijileriniň tussag edilmegi we öldürilmegi bilen baglylykda ar alynjakdygyny aýdýar.
18 minutlyk wideonyň anyk nirede düşürilendigi näbelli bolmagyna galýar. Yrak we ABŞ-nyň goldaýan güýçleri ekstremistik lideri ele salmak ugrunda tagalla edýärler.