Gazagystanda ýyladyş ulgamynyň resmisi öli tapyldy

Gazagystanyň demirgazygyndaky Ekibastuz şäheriniň ýyladyş ulgamynyň ýokary derejeli resmisi Sergeý Widlog öli tapyldy. Bu wakanyň arasynda gürrüňi gidýän sebitde noýabryň aýagyndan bäri ýyladyş ulgamy işlemeýär.


Ýerli resmileriň 6-njy dekabrda beren maglumatyna görä, Widlogyň jesedi mundan iki gün öň özüniň ulagynyň içinde tapylypdyr.


Geçen hepde prezident Kasym-Žomart Tokaýew regionyň ýerli häkimini wezipesinden boşatdy.


Mundan öň, bilermenler Ekibastuzdaky ýagdaýlary “pajygaly” diýip häsiýetlendirdiler. Bu günler sebitde howanyň temperaturasy -30-a çenli aşaklaýar.