Germaniýanyň sudy “özünde bar bolan maglumata görä” çeçen bloggeriniň diridigini aýdýar
Germaniýanyň sudy şu aý öldürilendigi barada habar çykan çeçen bloggeriniň noýabrda görkezme berendigini we “özündäki bar bolan maglumata görä” onuň heniz hem diridigini aýtdy.Bu baradaky maglumat 11-nji dekabrda Azatlyk Radiosyna mälim edildi.
Mundan öň Şwesiýanyň Radiosy we Germaniýanyň habar serişdeleri Tumso Abdurahmanowyň diridigini belläpdiler. Geçen hepde onuň öldürilendigi barada ençeme maglumat peýda boldy.
Çeçen diasporasynyň görnükli wekili Anzor Mashadow Azatlyk Radiosynyň Demirgazyk Kawkaz gullugyna beren maglumatynda, Abdurahmanowyň birnäçe näbelli hüjümçi tarapyndan öldürilendigini aýdypdy.
German metbugaty Bawariýanyň sudunda Abdurahmanowyň dogany Muhammediň janyna kast etmek synanyşygy boýunça diňlenişigiň geçendigini habar berdi.