Daşkentde prezident maşgalasyny tankytlaýan blogçy tussag edildi
Daşkentli blogçy, “Öz ýurdunyň patanatomiýasy” telegram kanalynyň dolandyryjysy Şohida Salomowa Özbegistanyň Jenaýat kodeksiniň “töhmet” we “masgaralamak” maddalarynda aýyplanýar.
60 ýaşly blogçy 18-nji dekabrda ýitirim boldy, biraz soňra tussag onuň edilendigi bilindi. Salomowa tussag edilmeginiň öňüsyrasynda prezident Şawkat Mirziýoýewi we onuň maşgala agzalaryny garyndaşparazlykda we korrupsiýada aýyplap, olaryň suratlaryny öz telegram kanalynda çap etdi.
Blogçynyň aklawçylary Daşkent şäherinde, Içeri işler ministrliginiň tussaghanasynda saklanýan müşderileri bilen duşuşyp bilmeýändiklerini aýdýarlar.
"Şahinýa Korolewa" lakamy bilen tanalýan blogçy öz YouTube kanalynda, Facebook sahypasynda we Telegram kanalynda Adalat ministrliginiň, prokuraturanyň, kazyýetiň, sebit administrasiýalarynyň we Daşkent şäher häkimliginiň işgärlerini tankyt etdi.