Täjik prezidentiniň giýewisi Milli bankyň müdirliginden çykaryldy
Adalat ministrliginiň kanuny maglumat portalynda çap edilen karara laýyklykda, Milli bankyň başlygynyň orunbasary Firuz Şarifzoda we Alijon Salimzoda ýurduň esasy maliýe düzgünleşdiriji geňeşiniň täze agzalary edilip bellendi.
Täjigistanyň prezidentiniň 45 ýaşly giýewisi Jamoliddin Nuraliýew şu ýylyň iýun aýynyň başynda Milli bankyň başlygynyň birinji orunbasary wezipesinden boşadyldy.
Onuň işinden aýrylmagy jemgyýetçilikde bir topar gep-gürrüňiň ýaýramagyna, şol sanda bu ýerde “Moskwanyň eliniň bolmagynyň” ähtimallygy baradaky myş-myşlara sebäp boldy.
ABŞ-da gowy bilim alan we Täjigistanda häzirki bank ulgamynyň “binagäri” hasplanan Jamoliddin Nuraliýew hökümetde “günbatarçy” hasaplanýardy.