Türkmenistan ykbaly nämälim bolmagynda galýan Ömruzak Omargulyýewiň we Kasymberdi Garaýewiň häzirki wagt ýurtda hasapda duran öýlerinde ýaşaýandyklaryny öňe sürýär. Bu barada BMG-niň Adam hukuklary boýunça komitetiniň Ženewada geçýän 137-nji mejlisinde mälim edildi. Turkmen.news neşiri 2-nji martda geçirilen çärede türkmen wekilleriniň hukuk goraýjylaryň gozgan meseleleri boýunça beren jogaplaryna ünsi çekdi.
