Türkmenistanda zenanlaryň gözellik hyzmatlaryna gadagançylyk girizilendigi barada Azatlyk Radiosynda we halkara metbugatynda yzygiderli çap edilen maglumatlardan soň, ýurtda bu hyzmatlaryň aglabasynyň aýal-gyzlara gaýtadan hödürlenmegine rugsat berildi. Ýöne ýurtda botoks, silikon, epilasiýa we tatu gadagançylygy heniz hem dowam edýär. Ilat arasynda bu hyzmatlara talabyň ýokary bolmagy, käbir hünärmenleri gizlin işlemäge we türme tussaglygy bilen ýüzbe-ýüz bolmaga iterýär.
