Новости за 11.10.2022

Дәүләт Думасы депутаты Илдар Гыйльметдинов Апас районына эш сәфәре белән килде. Россия Дәүләт Думасы депутаты иң элек Чүрибарыш авылында төзелгән фельдшерлык-акушерлык пункты белән танышты. Бу хакта «Апас-информ» сайтында хәбәр ителә.

Аерылышуга гаризаны Дәүләт хезмәтләрендә онлайн бирергә мөмкин. Гаиләгә уйлау өчен бер ай бирелә. Шул вакыт эчендә ир белән хатынның берсе генә булса да ЗАГСка килергә һәм үз ниятен шәхсән расларга тиеш.

 Түбән Кама районы Мәгариф идарәсенең элеккеге җитәкчесе Равис Шакиров белән хушлашу мәрасиме иртәгә, 12 октябрьдә, Халык иҗаты йорты янында узачак. Бу хакта Татарстан Түбән Кама районы матбугат хезмәтендә хәбәр иттеләр.

Чирмешән районы Лашман авылы мәдәният йортына Татарстанның һәм Россиянең халык артисты Наил Шәйхетдинов (1941-2016) исеме бирелде.

Россиянең яңа төбәкләре турындагы сорауларны 2023 елның Бердәм дәүләт аттестациясе программасына кертү планлаштырылмый. Бу хакта РИА Новостига Россия Кулланучы хокукларын яклау һәм кеше иминлеге өлкәсендә күзәтчелек федераль хезмәтнең (Роспотребнадзор) матбугат хезмәтендә хәбәр итте.

Дәүләт хезмәтләре порталында Россия паспортларын һәм чит ил паспортларын рәсмиләштерү буенча сервис вакытлыча хезмәт күрсәтми. Хезмәттән файдаланырга теләгәндә «Эчке эшләр министрлыгы сервисы җавап бирми. Гаризаны соңрак тапшырырга тырышыгыз» дигән хәбәр чыга.

Сишәмбе доллар курсы 63,66 сумга кадәр артты, евро 62,48 сумга кадәр, ә юань 8, 657 сумга кадәр күтәрелде.

Тиздән Казан Кремле территориясендә Сөембикә тарихи манарасын реставрацияләү эшләре көтә - эчтә дә, тышта да. Социаль челтәрләрдә кулланучылар манаралардан кирпечләр ишелеп төшкән фоторәсемнәрне актив куя.

«Мәктәп, балалар бакчасы дип күпме генә сөйләсәләр дә, телне белү ата-аналардан килә. Ата-ана татарча аралашса, балалары татар теленә битараф булмый», - ди музыкант.

Татарстан Президенты Рөстәм Миңнеханов бүген Ташкент шәһәрендә өч ел элек ачылган IT-паркта булды. Аңа парк концепциясе һәм аны киләчәктә үстерү планнары турында сөйләделәр. Бу хакта Татарстан Президентының матбугат хезмәте хәбәр итә.

Рәсмиләр манарага куркыныч янамый дип белдергән. Шулай да тарихи һәйкәлнең нигезен ныгытырга һәм реставрацияләргә ниятлиләр.

Татарстан Дәүләт Советы һәм Татарстан парламенты депутаты Айрат Фәррахов Дәүләт Думасына интернетта федерация субъектлары символларына һәм РФ дәүләт символларына ихтирамсызлык күрсәткән өчен 100 мең сумга кадәр административ штраф салырга тәкъдим итә торган закон проектын кертте.

Татарстан Дәүләт Советы Рәисе Фәрит Мөхәммәтшин Төрекмәнстанның Казандагы Генераль консулы Гуйч Гәрәев белән очрашты. Республика парламенты җитәкчесе дипломатны үз вазифасына керешүе белән котлады һәм Россия-Төрекмәнстан хезмәттәшлеге кысаларында Татарстан белән Төрекмәнстан арасындагы дустанә элемтәләрне ныгытуга ышаныч белдерде.

Моннан тыш кызны "сугыш Путинга гына кирәк" һәм "безнең барыбызны атом-төш сугышы шартлатачак" дигән телдән әйтелгән сүзләре өчен дә гаепләгәннәр. Ул гаебен танымаган һәм плакатын кешеләргә күрсәтмәвен әйткән. Кыз бу плакат букчамда иде дип аңлаткан.

Хезмәт һәм пенсия стажы өлешчә мобилизация кысаларында өзелмәячәк. Бу хакта РФ хөкүмәтендә узган брифингта хезмәт һәм социаль яклау министрының урынбасары Ольга Баталинага сылтама белән «Интерфакс» хәбәр итте.

Татарстан Президенты Рөстәм Миңнеханов Үзбәкстан Президенты Шәүкәт Мирзиеевка Россия-Үзбәкстан мөнәсәбәтләрен ныгытуга юнәлтелгән ике республика арасындагы хезмәттәшлекне үстерүгә аерым игътибар биргәннәре өчен рәхмәт белдерде. 2022 елда ике ил арасында дипломатик мөнәсәбәтләр урнаштыруга 30 ел тула.

Тарихчы Равил Ибраһимовның «Россиянең алтын запасы сере, яки «Казан» Колчак алтыны тарихы» китабы дөнья күрде.

ТР Җыр һәм бию ансамбле үзенең репетицияләрен 110 кв.метрлы залда уздыра. «Бер залда биючеләр, җырчылар һәм оркестр җыелгач 80 кеше булабыз. Миңа басып торыр урын калмагач тәрәзә төбенә менеп басам», – дип сөйләде ансамбльнең сәнгать җитәкчесе Айрат Хәмитов «Татар-информ» хәбәрчеләренә бина буйлап экскурсия ясаганда.

Росфинмониторинг исемлегенә кергән затларның һәм оешмаларның барлык хисаплары һәм банк карталары томалана. Бу исемлектә инде 534 оешма бар, Росфинмониторинг аларның экстремизм яки террорчылыкка катнашы бар дип саный.

В конце октября члены команды выступят в суперфинале фестиваля.

«Игелек-Доброта» фондының https://igelek.tatar/ сайтында Казанда Җәмигъ мәчете төзелеше өчен акча күчерү мөмкинлеге булдырылды. Бу турыда Татарстан Диния нәзарәтенең матбугат хезмәте хәбәр итте.

Консультация – предупреждение об интенсивности метеорологических явлений на территории Республики Татарстан.

Президент Татарстана Рустам Минниханов находится с рабочим визитом в Узбекистане.

Чаллы полициясенә мошенниклардан алданган 66 яшьлек хатын-кыз мөрәҗәгать иткән. Бу хакта Татарстан буенча Эчке эшләр министрлыгының матбугат хезмәтендә сөйләделәр.

После капитального ремонта торжественно открыты дворовые территории многоквартирных домов в рамках Президентской программы «Наш двор».