Новости за 16.09.2023

В 2023 году оказана помощь предпринимателям в сумме более 50 млрд рублей.

Авыл хуҗалыгы ярминкәләре уза торган шәһәр башлыклары сәүдә итүчеләргә эш өчен барлык кирәкле шартларны тудырырга тиеш. Шул ук вакытта оештыручылар җитештерүчеләр ассортиментын, товар сыйфатын һәм билгеләнгән бәяләрнең «акыллылыгын» җентекләп тикшерергә тиеш. Бу хакта Татарстан Хөкүмәте Йортында узган киңәшмәдә республика Рәисе Рөстәм Миңнеханов белдерде.

Авыл хуҗалыгы продукциясенә бәяләр, саклау урыннары җитмәү, ашлык чыгаруга таможня пошлиналары кертү һәм башка факторлар Татарстан фермерларының нормаль эшенә комачаулый. Нәтиҗәдә, аграрийлар түбән уңыш белән генә түгел, югары уңыш белән дә җитәрлек табыш ала алмый. Татарстан Фермерлар ассоциациясе рәисе Камияр Байтимеров шулай дип белдерде.

Кичә Казанның «Корстон» кинотеатрында Татарстанның Дәүләт Киңәшчесе, Татарстан Республикасының беренче Президенты Минтимер Шәймиев кинорежиссер Байбулат Батулланың «Ядәч! Истә!» («Бери да помни») фильмын карады. Бу хакта республика җитәкчесе матбугат хезмәте хәбәр итә.

Узган сайлау кампаниясе барышында Татарстанда «Бердәм Россия» барлык вакантлы мандатларны алыштыруга аңлы рәвештә дәгъва итмәскә карар кылды, чөнки партиячеләр муниципаль хакимият органнарында төрле сәяси көчләрнең вәкиллеген саклап калырга теләде.

15 сентябрьдә татар театрына нигез салучыларның берсе, күренекле драматург, актер, режиссер Кәрим Тинчуринның туган көнендә, К.Тинчурин исемендәге Татар дәүләт драма һәм комедия театры 90 нчы юбилей сезонын ачты. 90 нчы сезонда беренче булып Нәкый Исәнбәт туплаган татар халык дастаны, Туфан Имаметдинов инсценировкасы буенча куелган «Идегәй» спектакле күрсәтелде.

4 сентябрьдән 11 сентябрьгә кадәр Татарстанда дизель ягулыгы һәм бензинның бар төр маркасы да кабат кыйммәтләнде. Моны Федераль дәүләт статистикасы хезмәтенең Татарстан буенча территориаль органы биргән статистика раслый.

«Татар-информ» халыкара «Татар кызы» бәйгесе финалистлары белән таныштыруны дәвам итә.

В Нурлате после благоустройства в рамках республиканской программы «Наш двор» открылись очередные дворовые территории.

2023 ел башыннан Татарстан эшмәкәрләре төрле программалар аша дәүләттән 50 миллиард сумлык ярдәм алган. Төгәлрәге: федераль программалар буенча 45 миллиард сум, ә республика программалары буенча 5,5 миллиард сум. Бу мәгълүматларны ТР Икътисад министрлыгының Эшмәкәрлекне үстерү департаменты директоры урынбасары Эмиль Хисмәтов Төбәк белән идарә итү үзәгендә узган туры эфирда хәбәр итте.

Чистайда «Торналар» мемориалы янында яңа һәйкәл ачу тантанасы узды. Ул махсус хәрби операция зонасында һәм башка локаль конфликтларда һәлак булучыларга багышланды. Анда махсус хәрби операциядә һәлак булган хәрбиләрнең туганнары, локаль сугышлар ветераннары, предприятие һәм оешма вәкилләре, шулай ук мәктәп укучылары һәм студентлар катнашты. Бу хакта «Чистай-информ» сайтында хәбәр ителә.

Шушы көннәрдә Балык Бистәсе районы Балыклы Чүкәй авылы китапханәсендә «Үзебезнекеләрне ташламыйбыз» шигарендә хәйрия гамәле башкарылды. Яу кырындагы хәрбиләргә ярдәм итәргә теләп, авылның уңган хатын-кызлары токмач кисү өмәсе оештырды. Бу хакта «Авыл офыклары» сайтында хәбәр ителә.

Зәй районы территориясендә шикәр чөгендере 8797 гектар мәйданны били. Бүгенге көнгә шуның 36 процентында эшләр башкарылган. Барлыгы 3197 гектардан татлы тамыр җыеп алынган. Уңдырышлылык бер гектардан уртача 334 центнер тәшкил итә. Бу хакта «Зәй хәбәрләре» авыл хуҗалыгы идарәсенә сылтама белән хәбрә итә.

Мөслимнең «Кояшлы Ык» ял зонасында сәнгать мәктәбенең җыр бүлегенә тәүге адымнарын атлап кергән укучылар белән беренче сыйныфка багышлау чарасы узды. Бу хакта «Мөслим-информ» хәбәр итә.

Саба гимназиясендә 9-11 сыйныф укучылары өчен муниципаль район башкарма комитеты җитәкчесенең икътисад буенча урынбасары Марат Баһманов «Саба муниципаль районының социаль-икътисади үсеше һәм киләчәк перспективалары» темасына дәрес үткәрде. Бу хакта http://saby-rt.ru/ сайтында хәбәр ителә.

Нәгыйм Миңтаһиров җәйләрен круиз көймәләрдә йөреп акча эшли, ә сезон ябылгач, кафе-рестораннарда, төрле чараларда катнашып гомер кичерә. Азатлыкка ул башка милләт кешеләре татар мәдәниятен ничек кабул итүен, татарлыкны саклау турында сөйләде. Урыс телле мохиттә яшәп татарлыкны ничек саклап була?