Ноябрь бәйрәмнәрендә Татарстанда Күп функцияле үзәкләрнең эш графигы үзгәрә

Татарстанда ноябрь бәйрәмнәрендә Күп функцияле үзәк филиалларының эш графигы үзгәрә. Бу хакта Татарстандагы Күп функцияле үзәкнең матбугат хезмәте хәбәр итә.

«3 ноябрьдә, бәйрәм алды эш көнендә «Мои документ» офисларында эш көне бер сәгатькә кыскара», – диделәр ведомствода.

Казандагы «Южный», «Советский», «Приволжский», «Кулагинский», «Вахитовский», «Московский», «Дербышинский», «Юдинский», «Авиастроительный» һәм «Салават Күпере» микрорайонындагы бүлекләр 8.00 – 16:00 сәгатьләрдә эшләячәк. «Зареченский» һәм «Гагаринский» бүлекләренең эше 11:00 сәгатьтән 19:00 сәгатькә кадәр озайтыла.

Чаллыдагы «Центральный», «Набережно-Челнинский» һәм «Тукаевский» бүлекләре 3 ноябрьдә 8:00 – 16:00 сәгатьләрдә эшләячәк. Бу көнне башка район филиалларында да шулай ук 8:00 – 16:00 сәгатьләрдә кабул итәләр.

4 ноябрьдә бөтен Россия буенча Халыклар бердәмлеге көне уздырыла, 6 ноябрьдә Татарстанда республика Конституциясе көне бәйрәм ителә.