ЮХИДИ идарәсе машина йөртүчеләрне юлдагы бозлавыкта сак булырга чакыра
Синоптиклар фаразлавынча, җомга һәм шимбә көннәрендә Татарстанда бераз кар явуы көтелә, юлларда бозлавык хасил булачак, ә төнлә температураның терекөмеш баганасы минус тамгасына төшәчәк.
Татарстанның ЮХИДИ идарәсе юл хәрәкәтендә катнашучыларның барысын да игътибарлы булырга һәм юл хәрәкәте кагыйдәләрен сакларга чакыра.
«Татар-информ» агентлыгы элегрәк хәбәр иткәнчә, ЮХИДИ идарәсе автомобиль йөртүчеләргә машина тәгәрмәчләрен алыштырырга киңәш иткән иде.