Сот Кирилл Серебренниковду күнөөлүү деп тапты
Тергөө материалдарында 50 жаштагы режиссер менен анын эки өнөктөшүнө 2011-2014-жылдары «Жетинчи студия» өкмөттүк эмес уюмуна берилген «мамлекеттик каражаттын 133 миллион рублун (2 миллион доллар) кымырып алган» деп жазылган. Бул студияны негиздеген Серебренников мындай дооматтарды четке кагып келет.
Апрелде сот Серебренников менен анын өнөктөштөрүн үй камагынан бошоткон. Алар былтыр август айында кармалгандан бери үй камагында болчу. Орусиядагы жана ондогон башка өлкөлөрдөгү маданият өкүлдөрү президент Владимир Путиндин өкмөтү менен пикири келишпеген режиссерду бошотууну талап кылып, буга чейин бир нече жолу акцияга чыгышкан.