Татарстанда һәлакәткә очраган вертолет турындагы хәбәрне тикшерәләр

(Казан, 20 октябрь, «Татар-информ»). Татарстанда һәлакәткә юлыккан вертолет турында хәбәр тикшерелә. Бу хакта «Татар-информ»га ТР буенча Россия Гадәттән тыш хәлләр министрлыгы Баш идарәсенең матбугат хезмәтендә хәбәр иттеләр. 

Өченче яртыда ашыгыч хезмәтләрне чакыртуның 112 бердәм номерына шаһиттан һәлакәткә тарыган вертолет турында хәбәр килде. Шалтыратучының сүзләренчә, бу хәл Питрәч районының Богородское бистәсеннән ерак түгел булган.

Урынга Гадәттән тыш хәлләр министрлыгы хезмәткәрләре, янгын сүндерүчеләр, һәлакәтләр медицинасы үзәге, Федераль куркынычсызлык хезмәте оперативниклары, полиция хезмәткәрләре һәм башка ашыгыч хезмәтләр чыкты.

15.30 сәгатькә, Россия Гадәттән тыш хәлләр министрлыгының ТР буенча Баш идарәсе матбугат хезмәте мәгълүматлары буенча, эзләү уңыш белән тәмамланмаган, эш дәвам итә.