НАТО: Орусиялык миссия кыскартылып, сегиз дипломат чыгарылат
"НАТОнун Орусияга карата саясаты ырааттуу бойдон калат. Биз Орусиянын агрессивдүү аракеттерине жооп кылып, биздин “токтотуу жана коргоо” саясатыбызды күчөттүк. Ошол эле кезде биз Орусия менен конструктивдүү диалог жүргүзүү үчүн дайыма ачыкпыз", - деди НАТОнун атын атагысы келбеген расмий өкүлү.
Ошондой эле Түндүк атлантикалык альянс Орусия НАТОго өкүлчүлүк иретинде аккредитациялай турган кызматтар кыскартыларын дагы ырастады. Буга карата Москва расмий түрдө үн ката элек.
Бирок орусиялык “Интерфакс” агенттиги Мамлекеттик Думанын бир депутатына шилтеме берип, “Москва буга карата, симметриялуу болбосо дагы, жооп кайтарарын” билдирген.