د خوست د باک ولسوالۍ د کوټکیو په سیمه کې د والیبال هغه سیالۍ چې له دریو میاشتو راهیسې روانې وې او ۶۰ لوبډلو په کې برخه واخیسته، د مارچ د لسمې په ماښام د اسماعیل خېلو او مندوزیو ولسوالۍ د منتخبې لوبډلې په بریا پای ته ورسیدې. ورزشکارانو د دې لوبې په څنډه کې له چارواکو وغوښتل، چې دوی لپاره ورزشي میدانونه او لوبغالي جوړ کړي. نور حال د نجیب الله الوخېل په رپوټ کې:
په پېښور کې د مذهبي لږکیو مشرانو او د امن او انصاف لپاره جوړ قامي کمېشن غړو د مارچ پر لسمه خبري غونډه کې د بېلو پناه ځایونو غوښتنه هم کړې ده.
د مارچ پر لسمه نېټه په پېښور کې د عبدالطیف اپریدي په یاد کې یوه غونډه وشوه چې پکې سلګونو کسانو ګډون وکړو. په غونډه کې پوهانو د ارواښاد لطیف اپریدي پر ژوند، کار او افکارو رڼا واچوله. نوموړی د ۲۰۲۳م کال په جنورۍ میاشت کې په پېښور کې د وکیلانو په دفتر یا بار روم کې په ډزو وژل شوی وو. د پېښور پولیسو هغه مهال ویلي وو چې لطیف اپریدی په شخصي دښمنۍ کې وژل شوی او قاتل یې نیولی دی. په دې اړه له پېښوره وسیم سجاد راپور رالېږلی دی.
د دې سیالیو پای لوبې ته د اسماعېل خېلو او مندوزیو همدارنګه تریزیو ولسوالیو د والیبال منتخبو لوبډلو لاره موندلې وه، چې بالاخره د اسماعیل خېلو او مندوزیو ولسوالۍ منتخبې لوبډلې د دې سیالیو اتلولي خپله کړه.
د جماعت اسلامې ګوند مشر سراج الحق احتجاج ته په خپله وینا کې وویل چې د مولانا هدایت الرحمان د خلاسون لپاره حکومت ته د یوې اونۍ وخت ورکوي.
دا خبره د پاکستان د انتخاباتو کمېشن د مارچ پر لسمه نېټه له هغه وروسته په یو خبرپاڼه کې کړې ده چې یادې ادارې په خیبر پښتونخوا او پنجاب کې د صوبايي اسمبلۍ د ټاکنو په اړه غونډه وکړه.
د پېښور پوهنتون استادانو د مارچ له شپږمې نېټې راهیسې پر احتجاج لاس پورې کړی دی. دوی په يوهنتون کې د امنیت د ښه کېدو او د وایس چانسلر د لرې کېدو غوښتنه کوي. دا احتجاج له هغې وروسته پیل شوی چې د پوهنتون د امنیتي چارو مسوول ثقلین بنګش او د اسلامیه کالج استاد پروفیسر بشیر په دوو جلا جلا پېښو کې ووژل شول. د مشال راډیو خبریال عظمت علي شاه پرې ویډيويي راپور جوړ کړی دی.
له پښتونخوا ملي عوامي ګوند څخه د بیلې شوې ډلې مرکزي مرستیال مشر رضا محمد رضا د مارچ په ۱۰مه مشال رېډیو ته وویل، دوی د ملګرو ملتونو د دغه ګام هرکلی کوي او غوښتنه یې ده چې باید د عثمان کاکړ د مرګ د پلټنو لپاره دې عدالتي کمېشن جوړ کړل شي.
د عراق په موصل ښار کې له پیړیو راهیسې د مشهورې ډوډۍ پخولو لپاره، له خټو جوړ دودیزو تنورونه کاريږي. دا تنورونه د ډوډۍ ترڅنګ د غوښې او کبانو پخولو لپاره هم کارول کېږي. د رویټرز اژانس له ویډیو جوړ رپورټ.