د خیبر پښتونخوا په مرکز پېښور کې پارېدلو مظاهرچیانو د دولتي راډیو ودانۍ سوځولې ده. د راډیو چارواکي وايي، د تحریک انصاف پلویان په ودانۍ ورننوتل او ورته یې اور واچاوه. د هغه ګوند پلویان د خپل مشر عمران خان د ګرفتارۍ پرضد په احتجاج دي. د راډیو چارواکي وايي، احتجاجیانو له ودانۍ څخه قیمتي شیان هم وړي دي. د مظاهرو پر مهال په تاوتریخوالي کې یوشمېر کسانو ته مرګژوبله هم اوښتې. په دې اړه رپورټ وګورئ.
د پاکستان پوځ خبرداری ورکړی چې د نيول شوي عمران خان د خوشې کولو لپاره، د تحريک انصاف مظاهرو کې پر پوځي تاسیسانو حملې نورې نه شي زغملی. پوځ د مې پر لسمه په يوه خبرپاڼه کې وويل چې دا ډله غواړي پاکستان کورني جنګ ته ټېل وهي. د پوځ په خبره د دوی هر غبرګون ذمه واره به هغه ګوند وي. په دې بيان کې زیاته شوې چې پوځي تاسیسانو ته زیانونه رسونکې دې مظاهرو تر شا د تحريک انصاف د ځينو شرخوښو مشرانو ناوړه پلان وو. پوځ د مې پر لسمه په يوه خبرپاڼه کې وويل چې په دې مظاهرو کې "د اقتدار په حوس کې مبتلا، سياسي پوښ اغوستې... Читать дальше...
د پاکستان یوشمېر رسنیو د نیب چارواکو له خولې ویلي دي چې هغوی د برتانیا د جرمونو له ادارې څخه د ترلاسه شویو "تورو پیسو" په قضیه کې ملک ریاض ته د قانوني تحفظ ورکولو په بدل کې له هغه څخه اربونه روپۍ او سلګونه کناله ځمکه ترلاسه کړه.
د مشال رېډيو د دې اونۍ کرښې پر غاړه خپرونه کې ځينو مېلمنو وويل چې افغانستان ته د چين - پاکستان اقتصادي راهدرۍ غځولو کې يو هيواد هم جدي نه دی. خو ځينې بيا وايي که داسې ده نو بيا چين ولې په دغه پروژه کې دومره زياته سرمايه کاري کوي. د خپرونې کوربه اسرار عالم مومند دی.
د مشال تر رڼا لاندې خپرونه کې مو دا ځل د ترهګرۍ پرضد د جګړې پر مهال د قبایلي سیمو اقتصاد ته د رسېدلو زیانونو پر بېلابېلو اړخونو بحث کړی دی.
د خوست روغتیايي مسوولین وايي، هلته د وینې کمښت یا تېلېسیمیا په ناروغۍ نېږدې ۱۰۰۰ ماشومان اخته دي. په خوست کې د دې بیماری د ناروغانو درملنه یو خیریه بنسټ کوي.. تېلېسیمیا د وینې یو ډول جینیټکي وژونکې ناروغي ده، چې د مور او پلار څخه اولاد ته لیږدول کیږي. تفصیل د نجیب الله الوخیل په وېډیو کې
د قامي اسمبلي غړي او د قواعدو، ضوابطو او استحقاق کمېټې مشر رانا قاسم نون پارلېمان ته د سپکاوي ۲۰۲۳ز هغه بیل وړاندې کړ چې پکې راغلي چې هغه سزا به د قامي اسمبلۍ سپيکر يا د سېنېټ مشر ورکوي.
د پخواني وزير اعظم عمران خان د نیولو پر ضد د مې پر نهمه د پاکستان په ځینو برخو کې د تحريک انصاف کارکوونکو احتجاجونه وکړل او ځینې حکومتي ودانیو ته یې اورونه واچول. په پلازمېنه، اسلام اباد کې هم د احتجاجونو سلسله روانه ده. تفصیل له اسلام اباده د عمران یونس په وېډیو کې
د وزارت ویاندې مهر خورشيد د مې پر نهمه رسنیو ته وویل چې په هغه ناروغۍ اخته یو بل تن د مې پر اتمه د کراچۍ په یو روغتون کې ساه ورکړه.
د پاکستان پنجاب او خیبر پښتونخوا صوبايي حکومتونو د مې پر لسمه تر هغه وروسته په صوبې کې د پوځ ځای پر ځای کولو فيصله وکړه چې د عمران خان تر نيول کېدو وروسته د هغه پلويانو له تشدده ډکې مظاهرې وکړي. د پنجاب کورنيوو چارو وزارت د مې پر لسمه، په يو نوټيفيکیشن کې ويلي چې د عامه امن ساتلو لپاره د پوځ تعنياتولو ضروري دي. په نوټيفيکيشن کې راغلي چې د پوځيانو شمير به صوبايي حکومت او پوځي چارواکي ټاکي. همدغسې يو نوټيفيکشن د خيبر پښتونخوا حکومت کورنيوو چارو وزارت هم خپور کړی دی. دا په داسې حال کې ده چې په... Читать дальше...
د بخښنې نړيوال سازمان د پاکستان پر حکومت غږ کړی چې انټرنېټي خدماتو او ورسره فېسبوک، ټويټر او يوټيوب ته دې د خلکو لاسرسی باوري کړي. د بخښنې نړيوال سازمان (اېمنسټي انټرنېشنل) د جنوبي اسيا څانګې د مې پر نهمه، ناوخته پر خپله رسمي ټويټر پاڼه ليکلي چې پر انټرنېټ او ټولنيزو شبکو بنديز معلوماتو ته د خلکو لاسرسی محدودوي. په بیان کې راغلي چې د تحريک انصاف د پلويانو د مظاهرو په وخت د پاکستان حکومت لخوا انټرنيټ ته لاسرسی محدودول د بیان ازادۍ حق اخیستل دي. د مې پر نهمه، د پاکستان پخواني وزيراعظم عمران... Читать дальше...
د پاکستان تحريک انصاف قهرجنو پلویانو د مې نهمې په شپه په بنو کې د پوځ چاوڼۍ مرکزي دروازې ته اور اچولی دی. عمران خان پرون د درغليوو په يوه مقدمه کې ونيول شو. هغه تر نيول کېدو مخکې ادعا کړې وه چې پوځ یې د بیا واکمنېدو مخه نیسي. پوځ او حکومت دا تور بې بنياده بولي. له بنو د عمر وزیر ويډيو وګورئ.
په پاکستان کې د هغه هېواد د پخواني وزيراعظم او د پاکستان تحريک انصاف مشر عمران خان د نيولو پرضد په ځينو ښارونو کې د هغه پلويانو مظاهرې کړې دي. د مې پر نهمه، رينجرز ځواکونو عمران خان د پاکستان احتساب قامي ادارې پر امر د درغلۍ په يوه مقدمه کې ونيو چې بيا وروسته اسلام اباد های کورټ د هغه ګرفتاري قانوني عمل وګرځاوه. د پاکستان د کورنيو چارو وزير رانا ثناالله تېر ماښام په اسلام اباد کې يوې خبري غونډې ته وويل چې عمران خان په القادر ټرسټ قضيه کې نيول شوی او نوموړي د خپل واک پر مهال له برتانيې د راغلو ۶۰ اربه روپيو غبن کړی دی. Читать дальше...
په وروستیو کې د لاهور په ژوبڼ کې دوه زمري زېږېدلي دي چې ماشومان او لویان یې لیدو ته ورځي. هغه ژوبڼ د زمریو لپاره نوم لري او پکې ټول ۴۰ زمري په طبیعي چاپېریال کې ژوند کوي. البته په وروستیو کې په کراچۍ کې د یوې ناروغې هاتۍ (فیل) تر مړینې وروسته د پاکستان په ژوبڼونو کې د ځناورو د ساتلو عمل تر پوښتنې لاندې راغلی دی. د رویټرز اژانس له ویډیو جوړ رپورټ