په روغتیا او درملنه خپرونه کې نن د ملاریا او په اوړي کې د خپرېدونکو ناروغیو په اړه غږېدلي یو. په پاکستان او افغانستان کې تېره میاشت تر بارانونو وروسته د ناولو اوبو ډنډېدو له کبله د ملاریا ناروغي خپره شوې ده. له دې علاوه، په ګرمۍ کې د قي او دستونو ناروغي هم زیاته شوې ده. له دې ناروغیو څخه د ځان ساتلو په اړه مو بحث کړی دی. داراز، په خپرونه کې د اورېدونکو د عمومي پوښتنو ځوابونه هم ورکړي دي. بشپړه خپرونه واورئ.
د پېښور په ګډون د پاکستان په لویو او وړو ښارونو کې د زړو کتابونو واړه دوکانونه هم وي او یا هم د سړک پر سر ځینې خلک زاړه کتابونه خرڅوي. داراز، په ځینو ښارونو کې په اوونۍ کې یو ځل د زړو کتابونو بازارونه هم لګېږي چې ډېری خلک ورته د ارزانه کتابونو اخیستو لپاره ورځي.
د افغانستان په څه باندې ۴۰ کلنه ناکرارۍ او جګړه کې سلګونه زره کسان د ځمکلاندې بمونو په چاودنو، هوايي بمباریو، ځانمرګو بریدونو او د تاوتریخوالي په نورو پېښو کې معذوره شوي دي.
د نایجیریا یوې ښځې ۱۰۰ ساعته پرلپسې پخلی وکړ او نړیوال ریکارډ یې جوړ کړ. په دې کار سره د هغې نوم د ریکارډونو په نړیوال کتاب کې درج شو. هيلدا باسي وايي غواړې چې افریقایي نجونې مخې ته راشي چې نړۍ یې وپېژني. په دې اړه له رویټرز اژانس ویډیو څخه فرخنده اسد راپور جوړ کړی دی.