Украинин президентана Зеленский Владимирна хетарехь, Оьрсийчоьно дIалаьцна ГIирма а, Донецкан а, Луганскан а кIоштийн территореш а Украино доладан юхаерзор – "хенаца доьзна хаттар" ду. Оьрсийн маттахь йолчу "Дом" телеканалана интервью луш Зеленскийс билгалдаьккхина, ГIирма "цкъа а хир яц оьрсийн территори" аьлла
Соьлжа-ГIаларчу "Ахмат" футболан клубан керла спонсор ю ша аьлла яьлла Кипрехь регистраци йина букмекерийн офис. Нохчийчуьрчу дуккха а бусалбанашна дагахь доцург дара иза – исламо емалдо муьлхха а марзлуш долу ловзарш, хьарамалла лору спорта юкъа ахчанаш дахкар
Шен кхаа ненаца хила бакъо къуьйсу Дагестанерчу яхархочо Церетилова Нинас. Байначу беттан юккъехь цуьнан хиллачу майрачун Церетилов Мохьмадан ден бакъонаш гатйира, ткъа шолгIачу дийнахь цуьнан воккхахволу кIант, 14 шо долу Мухтар вайра. Жимахдолу ши бер – 12 шо долу Марьям а, 9 шо долу ИбрехIим а, стенгахь ду цунна ца хуу масех бутт а бу. Бераш лохуш полици а яц, уьш могуш-маьрша ду аьллачу дена тIе а тийжаш. Стохка ГIуран-баттахь школера девлла шен бераш дIадигинера дас, стенга дуьгу а ца дуьйцуш. Читать дальше...
ГIалгIайчохь къовсам лаьтта республикерчу бохамийн медицинан центран куьйгаллиний, цигарчу белхахошний юкъахь. Юхьанца ковид хьелашкахь къахьегарна дала догIу ахча ца луш битира медикаш, ткъа аьрзнаш дан уьш боьлча, цхьацца бахьанаш а лоьхуш, балхара дIабаха болийра. Гурахь дуьйна хеза орцан медицинан белхахой даржашкара бохош бу бохуш. 50 стаг вара хIетахь балхара дIаваьккхинарг, царех 43-мма яздинера "шайн лаамехь болх битарх" долу кехаташ. Ткъа масех стаг велира кхеле, уьш меттахIиттийра даржашка... Читать дальше...
Украинин президентана Зеленский Владимирна хетарехь, Оьрсийчоьно дIалаьцна ГIирма а, Донецкан а, Луганскан а кIоштийн территореш а Украино доладан юхаерзор – "хенаца доьзна хаттар" ду, хаам бо Свобода Радионо. Оьрсийн маттахь йолчу "Дом" телеканалана интервью луш Зеленскийс билгалдаьккхина, ГIирма "цкъа а хир яц оьрсийн территори" аьлла. ГIирмах лаьцна дуьйцуш йолу видео зорбане яьккхина Зеленскийн телеграм-каналехь. "Оккупаци йинчу нахана цкъа а езар яц ГIирма, тхуна иза ма еззара", аьлла Украинин президента. Читать дальше...
Литван дозанхоша шинарин буса юхаберзийна, Беларусера, доза а хадош, шайн махка кхача гIерта иттаннаш мигранташ. Цуьнах лаьцна хаам бина LRT телеканалана комментарий еш Литван чоьхьарчу гIуллакхийн министран когаметто Абрамавичюс Арнольдаса. Оршотан дийнахь Литван чоьхьарчу гIуллакхийн министралло омра арахецна официалан талламан-чекхволуьйтучу меттигашкахула а ца богIуш шайн доза хадо гIоьртинчу нахана дуьхьал ницкъ баккха бакъо луш. Дозанхой декхаре бина и нах талламан-чекхволуьйтучу меттигашка хьовсо. Читать дальше...
Нохчийчохь лаьцна 53 шо долу меттигера яхархо. Цуьнан цIе йоккхуш яц. Талламхоша бехке йина иза шен майрачуьнан кIентан ши бер хьийзорна. Зуда къера хилла ша берийн могашаллина зен дина хиларна, цу шингазхь цабезам хиларна. Кхечуьнца цхьана цо молханаш мелош хилла берашна, царна уьш вуно зене дуй а хууш, аьлла ду Оьрсийчоьнан Талламан комитетан Нохчийчуьрчу талламан урхаллан сайта тIехь. Зудчунна дуьхьал бехктакхаман гIуллакх долийна Талламан комитетан Грозненски олучу кIоштийн юкъарчу талламан декъо. Читать дальше...
Москвара Бишкеке кхаьчна ГIиргIизойчоьнан хилла президент Акаев Аскар дIакхачийна пачхьалкхан къоман кхерамазаллин комитете, хаам бо Свобода Радионо. Иза дуьненаюкъарчу лахаре кхайкхийна вара "Кумтор" деши доккхучу маьӀданехь цо коррупци лелийна хила мега аьлла шеко йолуш. 24.kg зорбан гIирсо яздарехь, Акаев ша реза хилла Бишкеке веана тошаллаш дан. Акаев Аскар воцург Мангал-бутт болалуш дуьненаюкъарчу лахаме кхайкхийна ГIиргIизойчоьнан хилла президент Бакиев Курманбек а, ткъа иштта хилла премьер-министраш а, церан гергара нах а. Читать дальше...
Нохчийчоьнан физкультурехула а, спортан а, кегийрхойн политикехула а керла министр хIоьттийна республикан куьйгалхочуьнан а, Iедалан а администрацин куьйгалхочуьнан хьалхара когаметтаниг хилла Ибрагимов Турпал-Iела. Цо хийцина оцу даржехь Радыров Рамзанан вешин кIант, 24 шо долу Кадыров Хьамзат (2004-чу шарахь веллачу Кадыров Рамзанан воккхаха волчу вешин Зелимханан кIант). Нохчийчоьнан куьйгаллехь хиллачу хийцамех лаьцна хаам бо ТАСС агенталло. Белхалошна керла министр вовзуьйтуш республикан премьер-министро Хучиев Муслима дIахьедина... Читать дальше...
ГIалгIайчуьрчу МВД-н патрулан-постан сервисан (ППС)хиллачу 13-тта белхахочо бина латкъам листа тIеэцна Европерчу адамийн бакъонашкахула йолчу кхело (ECHR, ЕСПЧ). Дийцарехь, уьш ОМОН-ан белхахойх ларбан гIоьртинера 2019-чу шарахь ГIалгIайчоьнан а, Нохчийчоьнан а административан доза нийса хIоттийна дац аьлла дуьхьалонан акце арабевллачу митинган декъашхой. "ППС-н белхахойн омра дацара маьрша акци дIасалалла аьлла, оцу хьаштана республике ялинера кхечу регионера ОМОН. ППС-н белхахой цIий ца Iанадайта гIоьртира... Читать дальше...
Саратовхь пхи жима стаг лаьцна веа полисхочунна йиттина аьлла шеко йолуш. Церан адвоката Аликова Юлияс дIахьедарехь, дов даларан бахьана хилла ницкъалаллин структурин белхахоша питана тасар.