Новости за 05.03.2021

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 12952-ҩык ыҟоуп, ргәы бзиахеит 12400-ҩык, рыԥсҭазаара иалҵит 203-ҩык.

Ақыҭанхамҩа ԥасатәи аминистр Амиран Какалиа арадио Sputnik аефир аҟны еиҭеиҳәеит анаплак ҿыц "Ақыҭанхамҩа аҿиареи, аинновациеи рзы ацентр" ахықәкы, инанагӡараны иҟоу аусқәа ртәы.

Гәдоуҭа араион алхратә комиссиа ахантәаҩы Лавренти Гәбаз арадио Sputnik аефир аҟны еиҭеиҳәеит аҭыԥантәи ахаланапхгараҭаратә усбарҭақәа рахь алхрақәа рыҽшырзыҟарҵо атәы.

Авольтҳарак цәаҳәа "Кавкасиони" аҟны аремонттә усурақәа цонаҵы Аԥсны аамҭала афымцалашара арцәара аграфик алагалоуп.

Ахаҵа Аԥсны Аҳәынҭқарраҟынтә Урыстәылаҟа аиасра игәҭакын. Аҳәаа данахысуаз даанкылан.

Аԥсны ахада уаанӡатәи ицхырааҩ Ахра Аҩӡба даанкылан хәажәкыра 4 рзы, Аԥсны АШәМ ахь днаган. Аҩны аԥшааратә уснагӡатәқәа мҩаԥган.

Агәалашәаратә монетақәа ҩба-ҩба аԥсар иҟоу, хәы змам аметалл иалху 1000 цыра ҭыжьуп.

Азини аекономикеи ринститут аиҳабы, аекономикатә ҭҵаарадыррақәа рдоктор Заур Шьалашьаа арадио Sputnik аефир аҟны Аԥсны аекономика аҿиаразы иҟаҵатәу ашьаҿақәа рзы игәаанагара иҳәеит.

Алексеи Двинианин 2018 шықәса хәажәкырамзазы Аԥсны Аҳәынҭқаррахь Урыстәылатәи Афедерациа ацҳаражәҳәаҩыс даашьҭын.

Урыстәылатәи арратә базаҿ анормативқәа мҩаԥызгоз аҳәса шәкы инареиҳаны граната рхы иадырхәеит.

Анхарҭа аҿаҵаразы амаҵзура TVIL.RU ишьақәнаргылеит атуристцәа еиҳа рныҟәара ашьҭахь ибзианы изыхцәажәо аҭыԥқәа реиқәыԥхьаӡа.

Агәыԥ "Пятнашка" акомандир, Аԥсны ахада уаанӡатәи ицхырааҩ Ахра Аҩӡба даанкылан хәажәкыра 4 рзы, Аԥсны АШәМ ахь днаган. Иара уажәраанӡагьы уа дыҟоуп.

Ҭарашь Ҳагба Аԥсны ашьапылампыл азы Афедерациа ахадас далхын Афедерациа аҳасабырба-алхратә конференциаҿ хәажәкыра 2 рзы.

Агәыҳалалратә фонд амаҵзуратә машьына рӷьычит 2020 шықәса лаҵара 9 ауха. Амашьына иҭан адиректор ихатәы документқәеи амедицинатә цхыраара иазынархаз амаҭәашьарқәеи.

Жәабран 28, 1991 шықәсазы Аԥснытәи АССР Иреиҳаӡоу Асовет аӡбра аднакылеит Аԥсны абанк хада аиҭеиҿкаараз.

Ацәаӷәаразы араионқәа рҿы амашьынатә-трактортә станциақәа ахьынӡазыхиоу атәы арадио Sputnik аефир аҿы еиҭеиҳәеит, ақыҭанхамҩа аминистрра агрономиа аҟәша аиҳабы Едуард Барганџьиа.

Гәдоуҭа араионтә еизара адепутатцәа Баграт Боџьгәуа араион ахадас дшьақәыдмырӷәӷәеит ажьырныҳәа 29 рзы имҩаԥысыз аилатәараҿы.

Аԥсны Аҳәынҭқарратә шәарҭадаратә маҵзура ахыбра аҿаԥхьа еизаз Ахра Аҩӡба идгылаҩцәеи иуацәеи еимпырц ргәы иҭаӡам иара доурышьҭаанӡа.

Хәажәкыра 4 ахәылбыҽха Ахра Аҩӡба даанкылоуп ҳәа адырра ҟалеит. Ахыҵхырҭақәа излаарыцҳауа ала, иара Аԥсны Аҳәынҭқарратә шәарҭадаратә маҵзура ахыбрахь иҿахәҿыхразы днаргеит. Иҩны азинхьчаҩцәа акәшаны игылоуп.

Ахра Аҩӡба даанкылан хәажәкыра 4 рзы Аҟәа, абри азы аинформациа иршаҳаҭит иара изааигәоу ауаҩы.