Новости за 05.02.2019

აშშ-ის ხელისუფლებამ ვერ მიაგნო კონგრესის 2018 წლის შუალედურ არჩევნებზე უცხოური ორგანიზაციების „არსებითი გავლენის“ მტკიცებულებებს. ასეთი დასკვნამდე მივიდნენ გენპროკურორის მოვალეობის შემსრულებელი მეტ უიტაკერი და ეროვნული უსაფრთხოების მინისტრი კირსტენ ნილსენი, რის შესახებაც ნათქვამია აშშ-ის იუსტიციის სამინისტროს საიტზე გამოქვეყნებულ ცნობაში. უიტაკერისა და ნილსენის ერთობლივი საიდუმლო ანგარიში 4 თებერველს გაუგზავნეს აშშ-ის პრეზიდენტ დონალდ ტრამპს. ავტორები აღნიშნავენ, რომ მოხსენების შედგენისას გამოიყენეს ამერიკული დაზვერვის მონაცემები. Читать дальше...

ტელეწამყვანი მაკა რაზმაძე ეხმიანება ცალკეული მედიასაშუალებების მიერ გავრცელებულ შეურაცხმყოფელ კომენტარებს მსახიობ გურანდა გაბუნიას შესახებ, რომელიც ნაც.მოძრაობის ერთ-ერთმა წარმომადგენელმა დაწერა ფეისბუქში. “ვიღაც ტვინნაღრძობმა დაწერა გარდაცვლილზე, კარგი მორღვეული აქვს ადამიანური ცენზი და დაწერა. აი ვინც მათ ბანძობებს აზიარებთ გაშმაგებული და ამით უფრო ატირაჟირებთ რით ხართ იმათზე უკეთესები?მათ გვერდზე თუ სამმა კაცმა ნახა თქვენი გაზიარებულები ნიუსებად დადეს სააგენტოებმა. […]

კანადის ციფრული პლატფორმა „კვადრიგის“ მომხმარებლებს დაკარგული აქვთ წვდომა თავიანთ ანგარიშებზე 180 მლნ კანადური დოლარით (137 მლნ ამერიკული დოლარი) მას შემდეგ, რაც დეკემბერში მოულოდნელად გარდაიცვალა ერთადერთი ადამიანი, ჯერალდ კოტენი, რომლისთვისაც ცნობილი იყო ანგარიშების პაროლი. ამის შესახებ იუწყება ამერიკული ტელეარხი, ბიზნესის სიახლეებზე სპეციალიზებული სი-ენ-ბი-სი (CNBC). ჯერალდ კოტენი 30 წლის ასაკში გარდაიცვალა ინდოეთში, სადაც, ფეისბუკში „კვადრიგის“ განცხადებით, კრონის დაავადება გაურთულდა, როცა მოხალისედ მუშაობდა ობოლთა თავშესაფარში. Читать дальше...

მოსკოვის მესვეურებმა აკრძალეს „დედათა რისხვის მსვლელობა“, რომელიც 10 თებერვალს არის დანიშნული, თუმცა ორგანიზატორები პოზიციებს არ თმობენ და მაინც გეგმავენ აქციის ჩატარებას.

ეროვნული ბანკის ყოფილმა პრეზიდენტმა და ახლა უკვე ილიაუნის ბიზნესსკოლის ყოფილმა დეკანმა გიორგი ქადაგიძემ 31 იანვარს ფეისბუკის საკუთარ გვერდზე დაწერა, რომ იგი დეკანის პოსტიდან გაათავისუფლეს. ამის მიზეზად გიორგი ქადაგიძე ადმინისტრაციის მხრიდან ძირეული ცვლილებების შიშსა და მიუღებობას ასახელებს. ილიაუნის დეკანი გიგა ზედანია კი ამბობს, რომ გიორგი ქადაგიძის თანამდებობიდან გათავისუფლება ახალი ფაკულტეტის შექმნას უკავშირდება და ამ ფაკულტეტის დეკანის თანამდებობაზე კონკურსში მონაწილეობის მიღება მასაც შეეძლება. Читать дальше...

მოსამართლე არ ქმნის კანონს. მოსამართლე მხოლოდ ემსახურება კანონს. როგორ შეიძლება კანონი იყოს დანაშაული, როდესაც კანონი თავად განსაზღვრავს რა არის და რა არ არის დანაშაული. „ანარეკლებში" ვსაუბრობთ თემაზე "კანონი და მორალი". უდანაშაულო და დამნაშავე მოსამართლეები. ვუყურებთ და ვმსჯელობთ იურისტ დავით ზედელაშვილთან ერთად. გადაცემის სტუმრები არიან იუსტიციის საბჭოს არამოსამართლე წევრი ანა დოლიძე და ადვოკატი შალვა შავგულიძე.

საქართველოს პარლამენტის თავმჯდომარემ გადაცემა “რეაქციის” ეთერში მოსამართლეების შესახებ ისაუბრა. ირაკლი კობახიძის განცხადებით, ის მოსამართლეები, რომელთა მიმართ დღეს პროტესტი არსებობს, ყოფილი ხელისუფლების პირობებში იყვნენ ზურაბ ადეიშვილის ზეწოლის ქვეშ და მისივე სიტყვებით “ცუდ რაღაცეებს სჩადიოდნენ” თუმცა ხელისუფლების ცვლილების შემდეგ შეიცვალა სისტემა შემადგენლობის გარეშე და მოიხსნა წნეხი, რომლის შემდეგაც ეს მოსამართლეები უკვე კარგ რაღაცებს სჩადიან. “2012 წლამდე სასამართლო […]

ხორავას ქუჩაზე მოკლული დავით სარალიძის მამა, ზაზა სარალიძე 6 თებერვალს გენერალურ პროკურატურაში მივა. ის გენერალურ პროკურორ, შალვა თადუმაძესთან შეხვედრას ითხოვს და იმედს გამოთქვამს, რომ თადუმაძე მას მიიღებს. ზაზა სარალიძის თქმით, მას შალვა თადუმაძესთან კითხვები აქვს მისი შვილის მკვლელობის, ასევე მის მიმართ დაწყებული სისხლის სამართლებრივი დევნისა და კარვების საქმის თაობაზე. ზაზა სარალიძე გენერალურ პროკურატურაში მისვლას 12:00 საათზე გეგმავს.

შინაგან საქმეთა სამინისტროს სტატისტიკური მონაცემების თანახმად, 2018 წელს საქართველოში ავტოავარიებს 459 ადამიანი ემსხვერპლა. ავტოავარიების რაოდენობა 2017 წელთან შედარებით 373 შემთხვევითაა გაზრდილი. 11%-ითაა შემცირებული ავტოავარიების შედეგად დაღუპულთა რიცხვი. ეკა ლალიაშვილი, არასამთავრობო ორგანიზაცია „საქართველოს ალიანსი უსაფრთხო გზებისთვის“ გამგეობის თავმჯდომარე, ავტოავარიების პრევენციის ერთ-ერთ გზად მიიჩნევს ქულათა სისტემის ჭკვიან კამერებთან მიბმას: „დღესდღეობით, მძღოლებისათვის განკუთვნილი ასქულიანი... Читать дальше...

რუსეთის თავდაცის მინისტრი სერგეი შოიგუ აცხადებს, რომ მოსკოვი შექმნის ორი ტიპის ახალ სარაკეტო სისტემებს ბირთვული იარაღის კონტროლის შესახებ საეტაპო ხელშეკრულებიდან ვაშინგტონის დაგეგმილ გასვლაზე საპასუხოდ. გადაწყვეტილება, გავიდეს საბჭოთა კავშირთან 1987 წელს ხელმოწერილი, საშუალო და მოკლე რადიუსის რაკეტების ლიკვიდაციის შესახებ (INF) ხელშეკრულებიდან, ვაშინგტონმა მიიღო მას შემდეგ, რაც არაერთხელ დაადანაშაულა მოსკოვი მის დარღვევაში. ხელშეკრულებით ორივე ქვეყანას ეკრძალება ევროპაში მოკლე და საშუალო რადიუსის რაკეტების განთავსება. Читать дальше...

საოკუპაციო ხაზთან დაკავებული ნიქოზის ტაძრის დეკანოზი დავით დურგლიშვილი გაათავისუფლეს. ინფორმაციას სახელმწიფო უსაფრთხოების სამსახურში ადასტურებენ. დე ფაქტო ხელისუფლების წარმომადგენლებმა, სასულიერო პირი, ქართველ სამართალდამცავებს ერგნეთის საგუშაგოზე გადასცეს. 4 თებერვალს საოკუპაციო გამყოფ ხაზთან რუსეთის მესაზღვრეებმა ცხინვალი-ნიქოზის ეპარქიის დეკანოზი დავით დურგლიშვილი დააკავეს და მას ეგრეთ წოდებული საზღვრის უკანონოდ გადაკვეთის ბრალდება წაუყენეს. დეკანოზი თანმხლებ პირებთან ერთად გამყოფი ხაზის სიახლოვეს მიწის ნაკვეთს ამუშავებდა. Читать дальше...

უკრაინის გენერალურმა პროკურატურამ აღძრა სისხლის სამართლის საქმე ლეონიდ კუჩმას პრეზიდენტობის დროს მისი ადმინისტრაციის უფროსის, ვიქტორ მედვედჩუკის წინააღმდეგ სახელმწიფო ღალატსა და სეპარატიზმში ეჭვმიტანის საფუძველზე. მედვედჩუკი სათავეში უდგას პრორუსულ საზოგადოებრივ მოძრაობა „უკრაინის არჩევანს“ და ცნობილია რუსეთის პრეზიდენტ ვლადიმირ პუტინთან ახლობლობით. პუტინის მონათლულია მისი ქალიშვილი დარია. საქმის აღძვრის მიზეზი გახდა მედვედჩუკის განცხადება, რომ აუცილებელია უკრაინაში შეიქმნას „დონბასის ავტონომიური რეგიონი“ საკუთარი პარლამენტითა და მთავრობით.

„ეს არის უპასუხისმგებლო განცხადება და ხელის კვრა“, - ასე აფასებს რადიო თავისუფლებასთან საუბრისას საქართველოს საპატრიარქოს განცხადებას თორნიკე მამალაძე, დეკანოზ გიორგი მამალაძის ძმა. საპატრიარქოს განცხადებით თანახმად, ილია მეორე ნებას რთავს სასულიერო პირებს აზიარონ გიორგი მამალაძე, თუმცა, მხოლოდ და მხოლოდ პირადი პასუხისმგებლობითა და გადაწყვეტილებით. „ძალიან სამწუხაროა, როდესაც საპატრიარქო ასეთ უპასუხისმგებლო განცხადებას ავრცელებს. ვერცერთი სასულიერო პირი ვერ გაბედავს ეკლესიის მთავარი ადმინისტრატაციის... Читать дальше...

მადრიდის სასამართლომ ერთი წლით პატიმრობა მიუსაჯა საფეხბურთო კლუბ „რეალის“ ყოფილ მწვრთნელ ჟოზე მოურინიოს საგადასახადო დანაშაულისათვის. მაგრამ იუწყებიან, რომ ის ერთ დღესაც არ დაჰყოფს ციხეში. გამოძიებასთან შეთანხმების საფუძველზე, მოურინიომ თავი დამნაშავედ ცნო და სასჯელს დათანხმდა. 12 თვიანი პატიმრობის ნაცვლად, ის 24 თვის განმავლობაში ყოველ დღე გადაიხდის 250 ევროს ჯარიმას, რახან ესპანეთის კანონებით, ორ წლამდე პატიმრობის მოხდა თავდებითაც არის შესაძლებელი. პატიმრობის გარდა, მოურინიოს შეუფარდეს ფულადი ჯარიმა ორი მილიონი ევროს ოდენობით. Читать дальше...

თემირლან მაჩალიკაშვილის მშობლებმა სუსის წინააღმდეგ სამართლებრივი დავის პირველი ეტაპი წააგეს.

საქართველოს საპატრიარქო ეხმიანება დეკანოზ გიორგი მამალაძის ​ძმის თორნიკე მამალაძის მოთხოვნას მისი ძმის საპატიმროში ზიარების შესახებ. თორნიკე მამალაძემ ამ მოთხოვნით 4 თებერვალს საპატრიარქოს მიმდებარე ტერიტორიაზე კარავი გაშალა. საპატრიარქოს განცხადებაში წერია, რომ თორნიკე მამალაძის მიერ კარვის დადგმამ ეკლესიაზე ზეწოლის თანამედროვე სახე შესძინა ამ საქმეს, რაც, მათ მიუღებლად მიაჩნიათ: „საზოგადოებას შევახსენებთ, რომ როგორც ადრე განვაცხადეთ, ველოდებოდით ძიების დამთავრებას, რათა, არსებული დოკუმენტაციის გაცნობის საფუძველზე... Читать дальше...

პარლამენტმა იურიდიულ საკითხთა კომიტეტის თავმჯდომარის თანამდებობაზე ანრი ოხანაშვილი აირჩია. ანრი ოხანაშვილის კანდიდატურას მხარი დაუჭირა 98-მა დეპუტატმა. ოთხმა კი მის წინააღმდეგ მისცა ხმა. კენჭისყრის დროს სხდომათა დარბაზში არ იმყოფებოდა კომიტეტის ყოფილი ხელმძღვანელი ეკა ბესელია. როგორც ცნობილია, ეკა ბესელია იურიდიულ საკითხთა კომიტეტის თავმჯდომარის პოსტზე ანრი ოხანაშვილის კანდიდატურას მხარს არ უჭერდა. იურიდიულ საკითხთა კომიტეტის თავმჯდომარის პოსტი ვაკანტური მას შემდეგ გახდა, რაც გასული წლის 27 დეკემბერს თანამდებობა დატოვა ეკა ბესელიამ. Читать дальше...

​მას შემდეგ, რაც 2019 წლის პირველი იანვრიდან ახალი საბანკო რეგულაციები  ამოქმედდა, კახეთში ტექნიკის მაღაზიებს ვაჭრობა მკვეთრად შეუმცირდათ.

უკანასკნელი ათწლეულების განმავლობაში ავღანეთთან ასოცირდება ათასობით დაღუპული და დაშავებული ადამიანი, მოშლილი ინფრასტრუქტურა, დასახიჩრებული ლანდშაფტები, დანგრეული ნაგებობები. ამ ძველ ფოტოებზე ავღანეთი სრულიად განსხვავებული კუთხით ჩანს.

აშშ-ის პრეზიდენტი დონალდ ტრამპი კონგრესში გამოვა მოხსენებით ქვეყნის მდგომარეობის შესახებ. ტრამპისათვის ამ, რიგით მეორე ყოველწლიური მოხსენების მთავარ თემებად წინასწარ სახელდება იმიგრაცია, კონლფიქტები ახლო აღმოსავლეთში და აშშ-ის ეკონომიკა. 5 თებერვლის გამოსვლის ფონია ტრამპის მწვავე უთანხმოება დემოკრატ კონგრესმენებთან. სულ რამდენიმე დღის წინ შეწყდა „შატდაუნი“ - სახელმწიფო უწყებების ნაწილის მუშაობის შეჩერება, რამაც აშშ-ის ისტორიაში სარეკორდო 35 დღე გასტანა. „შატდაუნი“ მოჰყვა დემოკრატი კანონმდებლების უარს... Читать дальше...

პლატფორმა "არა ფობიას" პროკურატურისგან ვიტალი საფაროვის მკვლელობის საქმის გადაკვალიფიცირებას ითხოვს, რადგან თვლის, რომ ეს არა ერთი პირის მიერ, არამედ ჯგუფურად ჩადენილი დანაშაული იყო.

უკრაინაში არ შეუშვეს პოპულარული რუსი ტელეწამყვანი და ვიდეობლოგერი ანასტასია ივლეევა. უკრაინის სახელმწიფო საზღვრის სამსახურის ცნობით, ივლეევა კიევში ჩაფრინდა მინსკიდან. შემოწმებისას გაირკვა, რომ 2017 წელს ის იმყოფებოდა ყირიმში, საიდანაც გადავიდა რუსეთის ტერიტორიაზე, რაც აკრძალულია უკრაინის კანონმდებლობით. ივლეევას სამი წლით აეკრძალა უკრაინაში ჩასვლა. ანასტასია ივლეევამ სახელი გაითქვა ტელეპროექტით მოგზაურობის თემაზე ("Орёл и решка") და ვიდეობლოგით. იუტიუბზე მისი არხის ხელმომწერების რიცხვი 2,5 მილიონს, ინსტაგრამზე - 10 მილიონს აღემატება.

შინაგან საქმეთა სამინისტრომ გამოაქვეყნა 2018 წლის სტატისტიკა, რომელიც ამბობს, რომ  ქურდობის ძირითად შემთხვევებში 14-18 წლის ან 14 წლამდე არასრულწლოვნები ფიგურირებენ.

პარიზში, სულ ცოტა, 10 ადამიანი დაიღუპა და 40-მდე დაშავდა რვასართულიან შენობაში მომხდარი ხანძრის შედეგად. საფრანგეთის დედაქალაქის პროკურორის ცნობით, დაკავებულია ამავე სახლში მცხოვრები ქალი, რომელსაც წარსულში მენტალური პრობლემები ჰქონდა. პრესტიჟულ მე-16 რაიონში მდებარე საცხოვრებელ სახლში ხანძარი გაჩნდა შუაღამის შემდეგ, მე-7 და მე-8 სართულებს შორის. ცეცხლის ჩაქრობა დილის შვიდ საათამდე ვერ მოხერხდა. დაწყებულია გამოძიება ცეცხლის განზრახ წაკიდების ფაქტზე. საფრანგეთის მედიასაშუალებების ცნობით, ტრაგიკული ინციდენტის ადგილას დააკავეს 40 წლის ქალი. Читать дальше...

რუსეთის საოკუპაციო ძალების წარმომადგენლებმა სასულიერო პირი სოფელ ნიქოზის მიმდებარე ტერიტორიაზე, საოკუპაციო გამყოფ ხაზთან დააკავეს.