პოლიციამ კონსპირაციულად მოქმედი ღამის კლუბი დახურა
შინაგან საქმეთა სამინისტროს ცნობით, პოლიციამ დახურა მტკვრის მარჯვენა სანაპიროზე, გალაკტიონის ხიდის ქვეშ მდებარე ღამის კლუბი, რომელიც კოვიდ-19-ის გავრცელების წინააღმდეგ მიმართულ წესებს არღვევდა. პოლიცია აცხადებს, რომ ხმის ჩამწერი სტუდიის სახელით შენიღბული კლუბი ნოემბერში ორჯერ დააჯარიმეს 10-10 ათასი ლარით, თუმცა კომპანია, ჯარიმისგან თავის ასარიდებლად, სახელს იცვლიდა და აგრძელებდა საქმიანობას. გამოძიება დაიწყო საქართველოს სისხლის სამართლის კოდექსის 248-ე პრიმა მუხლით, რაც იზოლაციის და კარანტინის წესის განმეორებით დარღვევას გულისხმობს. Читать дальше...