Новости за 17.03.2021

Чолпон-Ата шаарындагы ат майданда Нооруз майрамына карата көкбөрү боюнча мелдеш башталды. Мелдеште командалар жогорку жана биринчи лигаларга бөлүнүп күч сынашып жатат. Жогорку лигада алты команда: "Ынтымак", "Достук", "Сары-Өзөн", "Жаш күч", "Мурас" жана "Ала-Тоо" катышууда. Учурда алар эки тайпага бөлүнүп күч сынашууда. Мелдештин биринчи күнүндө "Сары-Өзөн" командасы "Жаш күч" командасын 11:6 эсебинде утуп алды. Экинчи оюнда болсо "Достук" менен "Ала-Тоо" командалары беттешип, 7:2 эсебинде "Достук" командасы жеңишке жетти. Читать дальше...

Алты адамдын өмүрүн алган Аксы окуясына 19 жыл болду. Буга карата Аксы районундагы Боспиек айылында каргашада каза тапкандарды эскерүү иш-чарасы өттү. Жабырлануучулар ошол кездеги бийликтин куралсыз элге ок атканына укуктук баа берилбегенине нааразы.

АКШнын президенти Жо Байден журналисттин "Орусия президенти Владимир Путин киши өлтүргүчпү?” деген суроосуна “ооба” деп жооп кайтарды. Байден ABC News каналына берген интервьюсунда Орусия бийлиги АКШдагы шайлоого катышуу аракети үчүн жакын ара чолодо жооп берээрин билдирди. Журналисттин «Путин үчүн анын кандай кесепети болот?» деген суроосуна Кошмо Штаттардын президенти «жакында көрөсүңөр» деп жооп кайтарды. 40 жылдан ашык саясатта жүргөн Жо Байден Путинди жакшы билип калганын, аны «сезими жок, мерез» катары санаарын кошумчалады. Читать дальше...

Кошмо Штаттардын президенти Жо Байдендин акыркы интервьюсунан кийин АКШ менен Орусиянын ортосундагы курчуп турган мамиле ого бетер татаалдашты. Байден Путинди АКШдагы шайлоого кийлигишкени үчүн дагы бир ирет сынга алды, ал эми расмий Москва ага жооп катары өзүнүн Вашингтондогу элчисин чакыртып алды. АКШнын президенти Жо Байден АВС телеканалынын журналисти Жорж Стефанпулосго берген интервьюсунда Орусиянын президенти Владимир Путин менен быйыл январда телефондон сүйлөшкөндө, эгерде АКШдагы шайлоого орусиялыктардын кийлигишүүсү аныкталса... Читать дальше...

Кыргызстандагы Экономикалык кылмыштарга каршы күрөшүү боюнча мамлекеттик кызматтары тарабынан ушул жылдын январь айында 100 жеке ишкерге, февраль айында дагы 40 бизнесменге кылмыш иши козголгон. Бул тууралуу премьер-министр Улукбек Марипов өкмөттүн жыйынында билдирди. Марипов ишкерлерди колдоо боюнча президент Садыр Жапаровдун жарлыгын эске салып, укук коргоо органдарынын бизнесмендерге жасаган мындай мамилесин сынга алды. Улукбек Марипов февраль айынын этегинде ишкер чөйрөнүн өкүлдөрү менен эки ирет жолугушуу өткөрүп... Читать дальше...

Орусиянын Роскомнадзор мекемеси «Твиттерден» "МБХ медиа" басылмасынын аккаунтун өчүрүүнү талап кылды. Бул тууралуу маалыматты социалдык тармак басылманын редакциясына жөнөткөн. Роскомнадзор өз чечимин "МБХ медианын” “Твиттердеги” баракчасында Орусияда “дурус эмес уюм” деп табылган “Ачык Орусия” уюму тууралуу маалыматтар жарыяланганы менен түшүндүргөн. Басылманын башкы редактору Вероника Куцылло буга чейин мекеме бир да жолу эскертүү бербегенин билдирди. Редактордун айтымында, Роскомнадзор бийликти... Читать дальше...

Саясатчы Адахан Мадумаров бийликти сындагандарды куугунтуктоону токтотууну талап кылды. Президент Садыр Жапаров Таласта Жерүй кени боюнча митингге чыккандар менен жолугушту. Коңшу Тажикстанда күйүүчү май кымбаттап, бензиндин таңкыстыгы жаралды.

Кыргыз Республикасынын президенти Садыр Жапаров менен Орусия Федерациясынын президенти Владимир Путин 17-мартта Таластагы Жерүй кенинин алтын иштетүүчү комбинатын ачты​. Иш-чарага «Альянс групптун» президенти Муса Бажаев жана ВТБ банктын төрагасы Андрей Костин катышканы маалымдалды. Орусиянын лидери жана ВТБ банктын башчысы бул иш-чарага телекөпүрө форматында онлайн катышты. Кыргызстанда көлөмү боюнча Кумтөрдөн кийинки экинчи орунда турган, Акаев менен Бакиевдин учурунда лицензиясы колдон-колго... Читать дальше...

"Жерүй" кенинин иши токтобойт, деп билдирди президент Садыр Жапаров 17-мартта Жерүй кениндеги алтын иштетүүчү фабриканын ачылышында. “Ооба, бул кырдаалга ыраазы (болгондор да - ред), нааразы болгондор да бар. Бирок иш башталып калгандан кийин биз кайра артка тартпайбыз. Андай кылууга азыр мүмкүнчүлүгүбүз жок. Учурда ири инвестициялык долбоор Орусиянын катышуусу менен салтанаттуу түрдө ачылып жатат. Бул долбоор Талас облусунун өнүгүүсүнө жана жалпы Кыргызстанга олуттуу салым кошот. Буга чейин эле бюджетке 1,5 млдр. Читать дальше...

Орусиянын президенти Владимир Путин мындай пикирин 17-мартта Таластагы Жерүйдөгү алтын иштетүүчү комбинаттын ачылыш аземинде айтты. “Бул долбоор Орусиянын Кыргызстанга жасаган инвестициясынын рекорддук көрсөткүчү. Анын көлөмү 600 миллион долларды түзөт. Талас облусундагы бул тоо-кен ишканасында эң жакшы техникалар жана шаймандар колдонулат. Экологиялык нормалар сакталат. Мен Кыргыз бийлигине жана жеке Садыр Жапаровго жагымдуу инвестициялык климат түзүп жатканына ыраазычылык билдирем. Жаңы ишкана кыргыз бийлигинин колдоосуна ээ болот... Читать дальше...

16-март күнү Кыргыз премьер-лигасынын быйылкы сезондогу алгачкы оюндары болуп, Оштун “Алай” жана Бишкектин “Алга” клубдары сезонду жеңиш менен башташты. Бишкек мэриясына таандык “Алга” клубу Кант шаарында Кыргызстандын Футбол бирикмесине таандык “Илбирс” клубу менен беттешип, 2:0 эсебинде жеңишке жетти. Оюндагы голдорду Темирболот Тапаев менен Икум Келвин киргизишти. Ал эми Ош шаарында өткөн дагы бир беттеште “Алай” командасы “Каганат” футбол клубун 2:1 эсебинде жеңип алды. Быйылкы чемпионатка сегиз команда катышып жатат. Читать дальше...

Кыргызстандын президенти Садыр Жапаров менен Орусиянын президенти Владимир Путин 17-мартта Таластагы Жерүй кенинин алтын иштетүүчү комбинатын ачты. Орусиянын лидери бул иш-чарага телекөпүрө форматында онлайн катышты. Садыр Жапаров Жерүй кениндеги алтын иштетүүчү фабриканы ачуу үчүн бүгүн - 17-мартта Таласка барган. Өкмөттүн маалыматына ылайык сөз болуп жаткан кен иштетүүчү ишкана учурда 900 миллион сом салык төлөөдө. Фабрика ишке киргизилсе бюджетке төлөмдөрдүн көлөмү жылына 4 миллиард сомго чейин көбөйт. Читать дальше...

Кыргызстанда коронавирус илдети алгачкы жолу 2020-жылдын 18-мартында Жалал-Абад облусунун Сузак районундагы Бостон, Орто-Азия жана Благовещенко айылдарында катталган. Үч жарандан оорунун баштапкы белгилери табылып, аймак толук чектөөгө алынып, жарандар менен унаалардын кирип-чыгышына тыюу салынган. Аймактагы ооруга чалдыккандар менен медицина кызматкерлеринин ошол оор кырдаалдагы жасаган жумуштары боюнча видео тасма.

Беларуста былтыр августтагы президенттик шайлоодон кийинки митингдерде кармалган 400дөн ашык адам соттолду. Бул тууралуу Беларустун Башкы прокуратурасынын 17-мартта тараткан маалыматында айтылат. Ага ылайык, өткөн жети айда мыйзамсыз нааразылык акциялары учурунда коомдук тартипти бузду деген айып менен 631 адамга карата козголгон 468 кылмыш иши сотко жөнөтүлгөн. Ал эми дал ушундай эле беренелер менен 400дөн ашык адамга сот өкүмү чыккан. Беларуста былтыр август айындагы президенттик шайлоодон соң... Читать дальше...

Оштун эки командасы кечээ өткөн чүчү кулактын жыйынтыгында "В" тобуна бөлүнгөн. Бүгүн жогорку лигадагы командалардын тайпалык алгачкы оюндары өттү.

18-мартта өлкөнүн айрым облустарында кар аралаш жамгыр жаап, Чүй, Талас аймактарында күн ачык болот. Түнкүсүн жана эртең менен кээ бир райондордо туман түшүшү күтүлөт. Абанын температурасы: Чүй өрөөнүндө түнкүсүн -2…-7, күндүз 9…14; Таласта түнкүсүн -3…-8, күндүз 9…14; Баткенде түнкүсүн -4…+1, күндүз 10…15; Ош жана Жалал-Абад облустарында түнкүсүн -4…+2, күндүз 10…15; Ысык-Көлдө түнкүсүн -4…-9, күндүз 1…6; Нарын облусунда түнкүсүн -6…-11, күндүз -3…+2; Бийик тоолордо түнкүсүн -20…-25, күндүз -5…-10 градус суук болот. Читать дальше...

Орусия АКШдагы былтыркы президенттик шайлоого кийлигишүүгө аракет кылган деген маалыматты четке какты. Орусиянын Вашингтондогу элчилиги 17-мартта тараткан билдирүүдө бул айыптоолорду “дагы бир негизсиз дооматтардын бири” деп мүнөздөдү. Анда “Кошмо Штаттар өз көйгөйлөрүнө башкаларды айыптап, Орусиянын негативдүү образын түзүүгө аракет кылат”-деп айтылат. Москванын мындай билдирүүсү АКШнын Улуттук чалгындоо кызматынын директорунун кеңсеси тараткан докладга жооп иретинде жасалды. 16-мартта жарык... Читать дальше...

Ушул тапта өлкөдө бензиндин 1 литринин баасы 9 сомони же 67 сомго чейин жетти. Баш калаа Дүйшөмбүдө май куюучу жайлардын дээрлик көпчүлүгүндө бензиндин баасы жазылбай, жабык турат. Өлкөнүн Монополияга каршы күрөш органы күйүүчү майдын кымбатташын Казакстандан импорттун токтогону менен түшүндүрүүдө. Аталган органдын өкүлү Раджабали Махсиддинзода "Бизге мунайдын жалпы көлөмүнүн 90 пайызы Казакстандан келет. Бирок азыр келбей калды. Эми өлкөгө негизинен Орусиядан кымбат бензин келип жатат. Баалардын... Читать дальше...

АКШнын Чалгын кызматынын докладында Владимир Путиндин көрсөтмөсү менен орус бийлиги былтыр АКШдагы президенттик шайлоо маалында Байденге каршы жалган маалыматтарды таркатып, шайлоочулардын тандоосуна таасир этүүгө аракет кылганы айтылат.

Таласта 17-мартта Бекмолдо айыл өкмөтүнө караштуу Кара-Ой айылынын жүздөй тургуну президент Садыр Жапаров өтө турган Суусамыр-Талас-Тараз жолунун жээгине, Жерүй кенине кеткен бурулушка чогулду. Алар Жерүй кенин иштетүүдөн жакын жайгашкан айылдардын тургундары жапа чеккенин айтышып, түшкөн пайданын бир бөлүгүн бөлүп берүүнү талап кылышууда. "Азаттыктын" аймактагы кабарчысынын айтымында, чогулгандар Жерүй кенин иштетүүгө байланыштуу эки тараптуу келишим, экологиялык абал жана тараптардын жоопкерчилиги боюнча бир нече талаптарды айтып жатышат.

Кыргыз улуттук академиялык опера жана балет театрындагы чыр артисттердин маяна маселесин, социалдык көйгөйлөрүн күн тартибине алып чыкты. 6-мартта сахнага чыгуудан баш тарткан балет артисттеринин бири Фарух Садыркулов жумуштан кийин такси айдап акча табат. Ал буга театрдан алган 10 миң сом айлыгы эч нерсеге жетпей турганын жүйө келтирди.

Бишкектеги Мурас-Ордо жаңы конушунда 13 жаштагы өспүрүмдүн сөөгү табылды. Шаардык ички иштер башкармалыгынын басма сөз катчысы Улан Жумаков "Азаттыкка" окуя болжол менен 17-мартта эртең менен, баланын ата-энеси үйдө жок кезде болгонун билдирди. Анын айтымында, өспүрүмдүн сөөгү табылганын анын энеси Биринчи май райондук милициясына саат 12:40та кабарлаган. Азыр кылмышка шектүү изделип, иликтөө иштери уланып жатканы маалымдалды.  (BCh)

АКШнын Кыргызстандагы элчилигинин басма сөз катчысы Нолэн Жонсон Жогорку Кеңештин мурдагы депутаты Аскарбек Шадиевди экстрадициялоо маселеси боюнча"24.kg" агенттигинин суроолоруна жооп берди. Анын айтымында, Кыргызстан менен Американын ортосунда кылмышка шектүүлөрдү экстрадициялоо боюнча келишим жок. Нолэн Жонсон 1-мартта АКШнын Кыргызстандагы атайын жана толук ыйгарымдуу элчиси Дональд Лу Улуттук коопсуздук комитетинин төрагасы Камчыбек Ташиев менен жолугуп, Шадиевдин ишин талкуулаганын айтты. Читать дальше...

Коңшу Өзбекстандын борбору Ташкенттеги айрым мектептер аралыктан окутуу режимине өтүүдө. Ал эми Казакстандын саламаттык сактоо министри Алексей Цой коронавируска байланыштуу эпидемиологиялык кырдаал эки жол менен өнүгүшү мүмкүн экенин жарыялады. Түркмөнстанда болсо чет элдиктер үчүн үч карантиндик зона иштеп жатат. Өзбекстан: балдар аралыктан билим алууга өтүүдө Соңку күндөрү Өзбекстандын айрым аймактарында СOVID-19 вирусун жугузуп алгандардын саны көбөйгөнү айтылууда. Мындан улам борбор калаа... Читать дальше...

Вице-премьер-министр Артем Новиков өкмөт өкүлдөрү менен 16-мартта чогулуп, башка өлкөнүн атуулдугун алып жүргөн, түбү кыргызстандык адамдар үчүн «Мекен-карт»  документин берүү жол-жобосун талкуулады. Чет элде жарандыгы бар мекендештерге багытталган бул карта тууралуу мыйзам 2020-жылдын 4-августунда күчүнө кирген. Ага ылайык мындай документти алып жүргөн адамдар Кыргызстанга визасыз кирип-чыгып, бир катар жеңилдиктерди ала алат.  Документке байланыштуу 1-апрелден тарта бардык юридикалык иш-чараларды жыйынтыктап... Читать дальше...